"Pelangi di Mars (Rainbow on Mars)" ဆိုတာ အင်ဒိုနီးရှားဘာသာနဲ့ "အင်္ဂါဂြိုဟ်ပေါ်က သက်တံ" လို့ အဓိပ္ပာယ်ရပြီး၊ အင်ဒိုနီးရှားနိုင်ငံရဲ့ ပထမဆုံး Virtual Production (XR နည်းပညာ)ကို အပြည့်အဝအသုံးပြုကာ ရိုက်ကူးထားတဲ့ Sci-Fi / Family Adventure ရုပ်ရှင်ကားလေး ဖြစ်ပါတယ်။ဇာတ်လမ်းက အနာဂတ်ကာလ ကမ္ဘာဂြိုဟ်ကြီးမှာ ပတ်ဝန်းကျင်ပျက်စီးသွားပြီးတဲ့နောက် လူသားတွေဟာ အင်္ဂါဂြိုဟ် (Mars) ပေါ်ကို ပြောင်းရွှေ့အခြေချ နေထိုင်နေကြရတဲ့ခေတ်ကိုနောက်ခံထားထားတာပါ။ ဇာတ်လိုက်မလေး ပီလန်ဂီ (Pelangi) ဟာ အင်္ဂါဂြိုဟ်ပေါ်မှာပဲ မွေးဖွားကြီးပြင်းလာခဲ့ရသူဖြစ်လို့ ကမ္ဘာဂြိုဟ်ရဲ့ သဘာဝအလှတရားတွေ၊ သစ်ပင်ပန်းမန်တွေနဲ့ "သက်တံ" ဆိုတာကို တစ်ခါမှမမြင်ဖူးခဲ့ပါဘူး။ပီလန်ဂီနဲ့ သူ့သူငယ်ချင်းစက်ရုပ်တစ်စုဟာ အင်္ဂါဂြိုဟ်ရဲ့ တင်းကျပ်တဲ့ စည်းကမ်းတွေကြားထဲကနေ အာကာသစွန့်စားခန်းတွေ၊ အခက်အခဲတွေကို ရင်ဆိုင်ရင်း ကမ္ဘာဂြိုဟ်ဟောင်းဆီကသဘာဝတရားရဲ့ ရောင်စုံအလှတရားတွေနဲ့ မျှော်လင့်ချက်ကို ပြန်လည်ရှာဖွေကြပုံကို ရိုက်ကူးထားတာ ဖြစ်ပါတယ်။အင်ဒိုနီးရှားရဲ့ XR နည်းပညာသုံး Visual တွေကို ကြည့်ချင်သူတွေ၊ ကလေးတွေနဲ့အတူ မိသားစုလိုက် ပေါ့ပေါ့ပါးပါးကြည့်ချင်သူတွေအတွက် သင့်တော်ပါတယ်။