ထိုင်းအဆိုတော်နဲ့မင်းသားဖြစ်တဲ့ ကိုကိုMike Angeloရဲ့ ပေါ့ပေါ့ပါးပါးအချစ်ဟာသ တရုတ်ကားလေးကို တင်ဆက်ပေးလိုက်ပါတယ်။ ကျန်းလိုင်ဟာ သူ့ရဲ့စွဲဆောင်မှုရှိလွန်းတဲ့ရုပ်ရည်ကြောင့်ပျိုမေတိုင်းကြိုက်တဲ့နှင်းဆီခိုင်ဖြစ်နေတာကြောင့် အလုပ်ရှာမရတဲ့အထိအကျပ်ရိုက်နေပါတယ်။ လမ်းစပျောက်နေတဲ့အချိန်မှာပဲ အိမ်ခြံမြေလုပ်ငန်းတစ်ခုက သူ့ကိုထူးခြားတဲ့အလုပ်တစ်ခုကမ်းလှမ်းလာပါတယ်။ အဲဒီကမ်းလှမ်းချက်ကတော့ မွေးရပ်မြေကိုပြန်ရောက်နေတဲ့ ဆရာမဝန်လေးလီမုံ့ဆီကနေ အိမ်ခြံမြေသဘောတူချက်စာချုပ်ပေါ်မှာ လက်မှတ်ထိုးအောင်စည်းရုံးရမှာပဲဖြစ်ပါတယ်။ ဒီလိုနဲ့ ကျန်းလိုင်ဟာ လီမုံ့ရဲ့အချစ်ကိုရဖို့ နည်းလမ်းစုံကြိုးစားပါတော့တယ်။ စီချွမ်းပြည်နယ် တာ့လျန်တောင်တန်းရဲ့သဘာဝအလှတွေကြားမှာ အချိန်တွေကိုအတူကုန်းဆုံးကြရင်း လှည့်ကွက်တွေနဲ့စတင်ခဲ့တဲ့ သူတို့ရဲ့အချစ်ဇာတ်လမ်းဟာ လီမုံ့ရဲ့ရွာသားတွေအပေါ်ထားတဲ့စေတနာ ဖြူစင်တဲ့စိတ်ဓာတ်တွေကိုခံစားမိပြီးတဲ့နောက်မှာတော့ ကျန်းလိုင်ဟာ ဒီအပေးအယူကို ရုတ်သိမ်းဖို့ဆုံးဖြတ်လိုက်ပါတယ်။ ဒါပေမယ့် သူမပြင်ဆင်နိုင်သေးခင်မှာပဲ လီမုံ့ကသူ့အကြောင်းအမှန်အတိုင်းသိသွားတဲ့အခါမှာတော့ သူတို့ရဲ့ပျော်ရွှင်စရာချစ်သူဘဝကအဆုံးသတ်သွားပါတော့တယ်။ ကတောက်ကဆတွေနဲ့ အစပိုင်းမှာ ရန်သူကနေချစ်သူဖြစ်သွားကြတဲ့သူတို့တွေဟာ နောက်ဆုံးမှာ ချစ်သူကနေ ရန်သူအဖြစ်နဲ့ပဲ ပြန်အဆုံးသတ်သွားတော့မှာလား......