ကေလာဟာ အလုပ်ကြိုးစားတဲ့ လူငယ်အမျိုးသမီးတစ်ယောက်ဖြစ်ပါတယ်။ ကျောင်းပြီးထားပေမယ့် အောက်ခြေသိမ်း အချိန်ပိုင်းအလုပ်တွေကိုပဲ လုပ်ခွင့်ရနေတာကြောင့် အမြဲညည်းညူနေတတ်သူတစ်ယောက်ပါ။ ဒီလိုနဲ့ တစ်နေ့မှာ သူဟာ အိမ်နီးချင်း သူဌေးတစ်ယောက်ရဲ့ အပန်းဖြေအိမ်တစ်ခုကို စောင့်ပေးဖို့ဖြစ်ပါတယ်။ အိမ်ကြီးဟာအရမ်းကြီးလွန်းတာကတစ်ကြောင်း အိမ်ပိုင်ရှင်က ရက်ရှည်ခရီးသွားမှာကတစ်ကြောင်းနဲ့ အကြောင်းဖန်လာတဲ့အတွက် ကေလာဟာ သူရဲ့သူငယ်ချင်းဖြစ်တဲ့ ဒါနီနဲ့ သူ့ကောင်လေးဘလိတ်ကိုပါခေါ်ပြီး သုံးယောက်သားအတူတူအိမ်စောင့်ဖို့ ဖြစ်လာခဲ့ပါတယ်။ အစပိုင်းမှာတော့ အိမ်ကြီးက ပျော်ဖို့ကောင်းသယောင်ဖြစ်လာပေမယ့် ညနေပိုင်းနေစောင်းလာတဲ့အချိန်မှာ ထူးဆန်းတဲ့ဖြစ်ရပ်တွေတစ်ခုပြီးတစ်ခုစဖြစ်လာပါတော့တယ်။