ဒီ Drama ဇာတ်ကားလေးကိုတော့ နာမည်ကြီး ဒါရိုက်တာ Yasuhiro Yoshida က စီစဉ်ညွှန်ကြားရိုက်ကူးခဲ့ပြီး Ai Hashimoto ၊ Aoi Miyazaki၊ Aoi Nakamura နဲ့ Yûsuke Santamariaတို့အဓိက ပါဝင်ထားပါတယ်။ IMDb rating 7/10 ရရှိထားပြီး သားသမီးတွေအပေါ် ထားရှိတဲ့ မိဘတွေရဲ့ အေးချမ်းလှတဲ့ မေတ္တာတရားကို ထင်ဟပ်စေတဲ့ ဆွတ်ပျံ့ကြည်နူးဖွယ် မိသားစုဒရာမာဇာတ်ကားကောင်းလေးဖြစ်ပါတယ်။ နိုရီကိုဟာ ငယ်စဉ်ကလေးဘဝကတည်းက တစ်ယောက်တည်း ရိုးရိုးသားသားနဲ့ အေးဆေးနေတတ်တဲ့သူဖြစ်ခဲ့ပြီး သူ့အမေကသာ သူ့ရဲ့ အမြဲတမ်း အဖော်ဖြစ်နေခဲ့ပါတယ်။ ယိုရှီအဲဟာ နိုရီကိုနဲ့မာဆာအိုဆိုတဲ့သမီးနဲ့သားကို ပြုစုရင်း အိမ်မှာပဲနေနေတဲ့ အိမ်ရှင်မဖြစ်ပါတယ်။စာအရမ်းဖတ်တဲ့အမေဖြစ်သူကို ပိုင်ဆိုင်ထားတဲ့ နိုရီကိုဟာ အမေ့လိုပဲ ဗဟုသုတကြွယ်ဝနေခဲ့ပြီး အတန်းထဲမှာ အသိအမှတ်ပြုခံရပေမဲ့ သူ့ကို ဝိုင်းအနိုင်ကျင့်သူတွေကြောင့် လူကြားထဲမှာထင်ပေါ်အောင် မနေရဲခဲ့ပါဘူး။ နိုရီကို အသက် ၁၀ နှစ်ပြည့် မွေးနေ့ပြီးနောက်မှာ အမေ ယိုရှီအဲ ကွယ်လွန်သွားခဲ့ပါတယ်။ ဒါပေမဲ့ နိုရီကိုဟာ မွေးနေ့တိုင်း အမေ့ဆီကနေ မွေးနေ့လက်ဆောင်ကတ်နဲ့စာကို လက်ခံရရှိနေခဲ့ပါတယ်။နှစ်စဉ်မွေးနေ့မှာ ရရှိခဲ့တဲ့ အမေ့ရဲ့ မွေးနေ့ကတ်လေးတွေက နိုရီကိုရဲ့ ဘဝခရီးလမ်းအတွက် ဘယ်လိုတွေ လမ်းညွှန်ပြပေးသွားမလဲဆိုတာ...