Vitor Martins ရဲ့ နာမည်ကြီး လူငယ်အချစ်ဝတ္ထုကို ရုပ်ရှင်အဖြစ် ပြန်လည်ရိုက်ကူးထားတာဖြစ်ပြီး ဒါရိုက်တာ Daniel Lieff က ရင်ခုန်စရာ အခိုက်အတန့်တွေကို အေးချမ်းစွာပုံဖော်ထားတာပါ။ မင်းသားသစ် Miguel Lallo နဲ့ Diego Lira တို့နဲ့အတူ ဝါရင့် မင်းသမီး Débora Falabella တို့က ပါဝင်ထားကြပါတယ်။ဇာတ်လမ်းကတော့ ရုပ်ရည်နဲ့ ခန္ဓာကိုယ်ပိုင်းမှာ မိမိကိုယ်ကိုယ် ယုံကြည်မှုမရှိဘဲ အမြဲ ပုန်းကွယ်နေတတ်တဲ့ ကောင်လေး "ဖိလစ်ပီ" အကြောင်းကနေ စတင်ထားတာပါ။ ဖိလစ်ပီဟာကျောင်းပိတ်ရက် ကျောင်းပိတ်ရက်မှာ အိမ်မှာပဲ အေးဆေး ဖြတ်သန်းဖို့ ပြင်ဆင်ထားခဲ့တာ ဖြစ်ပါတယ်။ဒါပေမဲ့ မထင်မှတ်ဘဲ အိမ်နီးနားချင်းလည်းဖြစ်၊ သူ တိတ်တခိုး သဘောကျနေရတဲ့ ကျောင်းက ကောင်လေး "ကိုင်ယို" ရဲ့ မိဘတွေ ခရီးထွက်သွားလို့ ကိုင်ယို က ဖိလစ်ပီတို့ အိမ်မှာ ၁၅ရက်လာရောက်နေထိုင်ဖို့ ရောက်ရှိလာခဲ့ပါတယ်။ အရင်က ငြိမ်သက်နေတဲ့ ဖိလစ်ပီရဲ့ နေ့ရက်တွေဟာ ရုတ်တရက်ဆိုသလို ရင်ခုန်စရာ စိတ်လှုပ်ရှားစရာတွေနဲ့ ပြည့်နှက်သွားပါတော့တယ်။ အတူတူ နေထိုင်ရင်းနဲ့ပဲ ဖိလစ်ပီတစ်ယောက်ယုံကြည်မှုကို ပြန်လည်ရှာဖွေတွေ့ရှိမလား၊ ကိုင်ယိုနဲ့ရော ရင်ခုန်စရာဇာတ်လမ်းတွေဆီကို ဦးတည်သွားနိုင်မလားဆိုတာကို ကြည့်ရမှာ ဖြစ်ပါတယ်။