ဒီဇာတ်ကားကတော့ သာမန်ဇာတ်ကားတွေလိုမဟုတ်ဘဲ တည်းဖြတ်ဆရာလည်းဖြစ် ယူကျူ့ဘ်ဘာလည်းဖြစ်တဲ့ ဂျိုးစကော့ထ်ကနေ ကိုယ်ထူကိုယ်ထရိုက်ကူးထားတဲ့မှတ်တမ်းတင်ဇာတ်ကားသဖွယ် စိတ်ကူးယဉ်ဇာတ်လမ်းတစ်ခုလို့ ပြောရမှာပါ။ ဒီဇာတ်ကားထဲမှာ ကမ္ဘာစတင်ဖြစ်တည်ခဲ့တဲ့ လွန်ခဲ့တဲ့ နှစ်ပေါင်း ၄ ဘီလီယံကနေ တစ်လျှောက်လုံးမှာဖြစ်ပေါ်ခဲ့တယ်လို့ ယူဆထားတဲ့ ကမ္ဘာဂြိုဟ်ပေါ်ဖြစ်ပျက်ခဲ့တဲ့ ပြောင်းလဲဖြစ်စဉ်တွေဆင့်ကဲပြောင်းလဲမှုတွေကို ကွက်ကွက်ကွင်းကွင်းသရုပ်ဖော်ထားပြီး စကြဝဠာကြီးထဲမှာရှိတဲ့ ဂြိုဟ်ပေါင်းများစွာထဲမှာမှ သက်ရှိတွေနေထိုင်နိုင်တဲ့ သဘာဝဖြစ်စဉ်တွေအတည်ငြိမ်ဆုံးဖြစ်ပျက်ပြောင်းလဲနေတဲ့ ကမ္ဘာဂြိုဟ်ကြီးပေါ်မှာ မြူမှုန်လောက်သာရှိတဲ့ လူအပါအဝင် သားရဲတိရစ္ဆာန်ပေါင်းများစွာနဲ့ အခြားသက်ရှိတွေအကြောင်းကိုရုပ်ရှင်သမားတစ်ယောက်ရဲ့ လောကအမြင်ကနေ မြင်သာအောင် ပြန်လည်ရိုက်ကူးထားတဲ့ မှတ်တမ်းတင်ဇာတ်ကားတစ်ကားပဲဖြစ်ပါတယ်။