ထူထပ်တဲ့ တောအုပ်တွေ ရေအိုင်တွေနဲ့ ဝန်းရံနေတဲ့ လူသူမရှိတဲ့ သစ်သားအိမ်တစ်လုံးထဲမှာ သူစိမ်းလေးယောက်က ဘာမှတ်ဉာဏ်မှမရှိဘဲ အတိတ်မေ့ရောဂါနဲ့ နိုးထလာကြပါတယ်။ သူတို့တွေ အဲ့ဒီနေရာကို ဘယ်လိုရောက်လာကြလဲဆိုတာကို သဲလွန်စတစ်ခုချင်းစီ ဝိုင်းအဖြေရှာကြရင်း သူတို့တွေက ဂရိနတ်ဘုရားပုံပြင်တွေထဲက Hydra ဆိုတဲ့ မကောင်းဆိုးဝါးကောင်ကြီးရဲ့အမဲလိုက်ခြင်းကို ခံနေရတယ်ဆိုတာကို သိလိုက်ရပါတယ်။ဒီဇာတ်လမ်းထဲမှာတော့ Hydra ဆိုတဲ့ မကောင်းဆိုးဝါးက ခေါင်းသုံးလုံးပါတဲ့ မြွေကြီးတစ်ကောင်ပါ။ လေးယောက်အဖွဲ့က လူတွေနဲ့သူတို့လမ်းမှာ ဆုံခဲ့ကြတဲ့ တခြားသူစိမ်းတွေပါ အဲဒီမြွေကြီးရဲ့ ရက်ရက်စက်စက် သတ်ဖြတ်ခြင်းကို ခံခဲ့ရပြီး တစ်ယောက်ပြီးတစ်ယောက် ပျောက်ဆုံးလာပါတယ်။ဒီထဲက ဇာတ်ဆောင်ဖြစ်သူ Tiffany က အဲဒီဆန်းကြယ်တဲ့ အမည်မသိနေရာကြီးကနေ ထွက်ပြေးဖို့လမ်းစရှာရင်း နောက်ထပ်အမှန်တရားတွေ ပေါ်ပေါက်လာချိန်မှာတော့ Tiffanyက တခြားသူတွေလို သာမန်ဒုက္ခသည်တစ်ယောက်ပဲလား ဒါမှမဟုတ် Hydra ကို မွေးဖွားခဲ့တဲ့ မကောင်းဆိုးဝါးတွေရဲ့မိခင် Echidna နဲ့ ဆက်စပ်နေမလားဆိုတာကို ဒီဇာတ်လမ်းထဲမှာဆက်လက်ကြည့်ရှုလို့ရပါတယ်။