ဒါရိုက်တာ Johan Nijenhuis ရိုက်ကူးထားတဲ့ ဒီ Dutch Romantic Comedy ရုပ်ရှင်ဟာ Verliefd op Ibiza, Cuba, Bali စတဲ့ အရင် အောင်မြင်ခဲ့တဲ့ရုပ်ရှင်စီးရီးတွေရဲ့နောက်ဆက်တွဲဖြစ်ပါတယ်။Lars ဟာ Bella နဲ့ မင်္ဂလာမဆောင်မီ၊ တစ်ယောက်တည်း သီးသန့် အထီးကျန်နေတဲ့ မိခင် Merel ကို စိတ်အပန်းဖြေဖို့ သာယာလှပတဲ့ Curaçao ကျွန်းဆီ ခေါ်ဆောင်သွားခဲ့ပါတယ်။ Larsက မိခင်ဖြစ်သူကို စိတ်ဓာတ်ကျမနေစေချင်လို့ ကျွန်းပေါ်မှာ မသိမသာ လူပျို/အပျို သီးသန့် အပန်းဖြေခရီးစဉ် (Single trip) တစ်ခုကို တိတ်တဆိတ်စီစဉ်ပေးခဲ့တာ ဖြစ်ပါတယ်။ Curaçaoကျွန်းဆီ ရောက်တဲ့အခါ Merel နဲ့ Lars တို့ဟာ မထင်မှတ်ဘဲ လျှို့ဝှက်သတင်းထောက်မလေး Malti၊ ဆွဲဆောင်မှုရှိတဲ့ အနုပညာရှင် Ozzie တို့နဲ့ဆုံတွေ့ကြရပြီး မထင်မှတ်ထားတဲ့အချစ်ရေးအရှုပ်အထွေးတွေ၊ ဟာသအဖြစ်အပျက်တွေနဲ့ ကြုံတွေ့ကြရတော့တာ ဖြစ်ပါတယ်။ဒတ်ချ်ရုပ်ရှင်ရုံတွေမှာ ရုံတင်တင်ချင်း ပရိသတ်ကြည့်ရှုသူများပြားခဲ့လို့ "Gouden Film" (ရွှေတံဆိပ်ဆု) ရရှိခဲ့သလို Prime Video ပေါ် ရောက်ချိန်မှာလည်း အကြည့်အများဆုံး Top 1 နေရာချိတ်ခဲ့ပါတယ်။ သရုပ်ဆောင်တွေရဲ့ သဘာဝကျတဲ့ဟာသမြောက်မှုနဲ့ ဒေသခံ Papiaments ဘာသာစကားကို လေးစားစွာ ရိုက်ကူးပြသခဲ့မှုကိုတော့ မီဒီယာတွေက ချီးကျူးထားကြပါတယ်။