Tarung: Unforgiven FHD

Tarung: Unforgiven

Action Crime Drama FHD 2026-05-07 8.2 100 Min

ဒီဇာတ်ကားကတော့ Action, Martial Arts နဲ့ Fight Drama အမျိုးအစား မလေးရှား ရုပ်ရှင်ဇာတ်ကားကြီးပဲ ဖြစ်ပါတယ်။ ဒါရိုက်တာ Razaisyam Rashid က ရိုက်ကူးတင်ဆက်ထားပြီး အဓိကသရုပ်ဆောင်တွေအဖြစ် Mierul Aiman, Aedy Ashraf, Zul Ariffin, Bront Palarae, Amir Ahnaf နဲ့ Azira Shafinaz တို့က ပါဝင်သရုပ်ဆောင်ထားကြပါတယ်။ဇာတ်လမ်းကတော့ အရင်က ပန်ချပ်ဆီလတ် (Silat) ကိုယ်ခံပညာ ချန်ပီယံဟောင်း တစ်ယောက်ဖြစ်ခဲ့ပေမဲ့ အတိတ်က အဖြစ်အပျက်ဆိုးကြီး တစ်ခုကြောင့် နောက်ထပ် ဘယ်တော့မှမတိုက်ခိုက်တော့ဘူးလို့ ကတိပြုထားတဲ့ လူငယ်လေး Hatta ဆီကနေ စတင်ပါတယ်။ ဒါပေမဲ့ သူ့ရဲ့ အစ်မဖြစ်သူ အသက်အန္တရာယ်နဲ့ ကြုံလာရတဲ့အခါမှာတော့ သူ့ကတိကို ဖျက်ပြီး တရားမဝင်မြေအောက် လက်ဝှေ့ပွဲတွေဆီ မဖြစ်မနေ ဝင်ရောက်ယှဉ်ပြိုင်ရပါတော့တယ်။ ရက်စက်ကြမ်းကြုတ်လှတဲ့ မြေအောက်တိုက်ခိုက်ရေး လောကမှာ ပြိုင်ဘက်တွေရော၊ အတိတ်ကဖြေရှင်းမရသေးတဲ့ ပြဿနာတွေရော ပြိုင်တူ ရင်ဆိုင်ရပါတော့တယ်။ အထူးသဖြင့် နောက်ဆုံးမှာ သူနဲ့ ထိပ်တိုက်တွေ့မယ့် ပြိုင်ဘက်ဟာ တစ်ချိန်က သူနဲ့ အလွန်ရင်းနှီးခဲ့သူ ဖြစ်နေတာကိုသိလိုက်ရတဲ့အခါ အသက်လုတိုက်ပွဲတွေကြားကနေ အစ်မဖြစ်သူကို ကယ်တင်နိုင်မလား ဆိုတာကို ရင်ခုန်စရာ ကြည့်ရှုရမယ့် ဇာတ်ကားဖြစ်ပါတယ်။ဒီဇာတ်ကားဟာ မလေးရှား ရုပ်ရှင်လောကမှာ ရုံတင်ဝင်ငွေ ရင်းဂစ် ၂၃.၆ သန်းအထိ ရရှိခဲ့ပြီး အတော်လေး အောင်မြင်ခဲ့တဲ့ ကားကောင်း တစ်ကားပါ။ အက်ရှင် တိုက်ကွက်တွေကိုပြင်းပြင်းထန်ထန် ရိုက်ကူးထားသလို ဒရာမာတွေကိုလည်း ခိုင်ခိုင်မာမာ ထည့်သွင်းပေးထားတာပါ။  တရားမဝင်တိုက်ပွဲ (Underground Fight) ဇာတ်လမ်းတွေ၊ ကိုယ်ခံပညာ အက်ရှင်ဇာတ်ကားတွေကို ကြိုက်နှစ်သက်တဲ့ ပရိသတ်တွေ အကြိုက်တွေ့စေမယ့် ရုပ်ရှင်ကားကောင်း တစ်ကားပဲ ဖြစ်ပါတယ်။