ပရိသတ်တွေ စိတ်မပျက်စေမယ့် မင်းသားကြီး နဝါးဇ်ရဲ့ အသစ်ထွက် ရုံတင်ဒရာမာကားလေးကိုတင်ဆက်ပေးလိုက်တယ်။ ဒီနောက်ပိုင်းမှာ အက်ရှင်ကားတွေအရိုက်များနေတဲ့ မင်းသားကြီးနဝါးဇ်ဟာ The Lunch Box တို့ Photograph တို့လို တဖြည်းဖြည်း ခံစားသက်ဝင်လို့ရမယ့် ဒီလိုရုပ်ရှင်ကို တော်တော်ကြာမှပြန်ရိုက်ကူးခဲ့တာပါ။ ဂျာမနီနိုင်ငံက မြို့လေးတမြို့မှာ အခြေချနေတဲ့ သက်လတ်နှောင်းပိုင်းအရွယ် အိန္ဒိယအမျိုးသားတစ်ယောက်ဟာ စိတ်ကျရောဂါကိုခံစားနေရပါတယ်။ သူဟာ ဘဏ်အရာရှိတစ်ဦးဖြစ်ခဲ့ပေမဲ့ အခုအချိန်မှာ အလုပ်ထွက်ထားပြီး စိတ်ကုထုံးဆရာဝန်တွေနဲ့ပါ ကုသမှုခံယူနေရတာပါ။ အဲဒီလို စိတ်လေပြီးလမ်းပျောက်နေတဲ့သူဟာ သမီးဖြစ်သူရဲ့တိုက်တွန်းမှုကြောင့် အွန်လိုင်းကနေသရုပ်ဆောင်လူရွေးပွဲတစ်ခုဝင်ပြိုင်ခဲ့ပြီး အဲဒီလူရွေးပွဲကနေ မွမ်ဘိုင်းမှာနေနေတဲ့ မော်နီဆိုတဲ့ အမျိုးသမီးတစ်ယောက်နဲ့ သိကျွမ်းခဲ့ပါတယ်။ သူတို့ဟာ တီဗွီကောကနေတဆင့် အကြောင်းအရာပေါင်းစုံကို စကားစမြည်ပြောရင်း လမ်းပျောက်နေတဲ့ သူ့ရဲ့ဘဝမှာ မော်နီဟာ အိုအေစစ်တစ်ခုလိုဖြစ်လာခဲ့ပါတော့တယ်...။