ကိုးရီးယားနဲ့ ဖက်စပ်ရုပ်ရှင်တွေရိုက်ဖြစ်နေတဲ့ အိန္ဒိယရုပ်ရှင်လောကဟာ အခုတခါမှာတော့ဗီယက်နမ်နဲ့ဖက်စပ်ရုပ်ရှင်တစ်ခု ထုတ်လုပ်လိုက်ပါတယ်။ ဒီရုပ်ရှင်ထဲမှာတော့ ဂန်ဂူးဘိုင်ရဲ့အချစ်တော်အဖြစ် နာမည်စရလာခဲ့တဲ့ မင်းသားချော ရှန်တာနူးက ခေါင်းဆောင်ပါဝင်ထားတာပါ။မာနပ်ဗ်ဆိုတဲ့ ပန်ချာပီကောင်လေးဟာ ဦးလေးဖြစ်သူရဲ့တိုက်တွန်းမှုကြောင့် သူ့ကို တဖက်သတ်ကြိုက်နေတဲ့ ဆင်မီဆိုတဲ့ သူငယ်ချင်းမနဲ့အတူ ဗီယက်နမ်ကို ကျောင်းသွားတက်ဖို့ဖြစ်လာပါတယ်။ မာနပ်ဗ်ဟာ ဗီယက်နမ် ရောက်ခါစမှာ ပညာရေးကိုစိတ်မဝင်စားဘဲ အလေလိုက်နေရင်း ပန်းချီပြပွဲတစ်ခုမှာတွေ့တဲ့ မိန်းကလေးတစ်ယောက်ရဲ့ ပုံတူပန်းချီကားကိုမြင်ပြီး စွဲလန်းသွားခဲ့ပါတယ်။ အဲဒါကြောင့် သူဟာ ပန်းချီကားထဲက ကောင်မလေးကို အသည်းအသန် လိုက်ရှာရင်း ပုံပိုင်ရှင် ပန်းချီဆရာမလေးကို ရှာတွေ့သွားတဲ့အခါ...။