ပျော်စရာကောင်းတဲ့ နှစ်သစ်ကူးညကနေ သွေးပျက်စရာကောင်းတဲ့ ညတစ်ညအဖြစ်ပြောင်းလဲသွားတဲ့ လူသားစား ဟော်ရာဇာတ်လမ်းတစ်ပုဒ်ကို တင်ဆက်ပေးလိုက်ချင်ပါတယ်။ဇာတ်လမ်းကတော့ သူငယ်ချင်းလေးယောက် ကျေးလက်တောရွာတစ်ခုမှာ နှစ်သစ်ကူးပါတီလုပ်ရင်း မတော်တဆတွေ့ရှိခဲ့တဲ့ ဆေးခြောက်ထုပ်ကြီးကို သောက်မိရာကနေ စတာပါ။ထူးခြားတာက အဲဒီဆေးခြောက်က သူတို့ကို လူသားစားချင်တဲ့စိတ်တွေ ဖြစ်ပေါ်စေခဲ့ပါတယ်။ အဲဒီအချိန်မှာပဲ သူငယ်ချင်းတစ်ယောက် မတော်တဆ သေဆုံးသွားရာကနေအလောင်းဖျောက်ဖို့အတွက် သူတို့အားလုံး ဆေး ဆက်သောက်ပြီး လူသားစားပွဲတော်ကြီး ကျင်းပကြပါတော့တယ်။ အချင်းချင်း မသင်္ကာမှုတွေ လွဲမှားမှုတွေနဲ့သွေးပျက်ခြောက်ခြားစရာကောင်းသလို တစ်ဖက်ကလည်း Dark Comedyဆန်ဆန် ရယ်နေရမယ့် အလှည့်အပြောင်းတွေနဲ့ ဇာတ်ရှိန်တက်အောင် ရိုက်ကူးထားတာပါ။ နာမည်ကြီး Horror-Comedy ဇာတ်ကားဟောင်းတွေရဲ့ အရသာကို ပြန်ပေးနိုင်ပြီး ပေါ့ပေါ့ပါးပါးနဲ့ ရင်တထိတ်ထိတ် ကြည့်ရမယ့် ရုပ်ရှင်ဆန်းလေးပဲဖြစ်ပါတယ်။