ဒီကားလေးကတော့ ၁၉၈၀ ပြည့်လွန်နှစ်တွေက ဆီကန်းဒရာဘတ် (Secunderabad) မြို့ကို နောက်ခံထားပြီး ဇာတ်အိမ်တည်ထားတာပါ။ ဇာတ်လမ်းကတော့ အဲ့ဒီခေတ်က လူရာမသွင်းခံရဘဲ ဖယ်ကြဉ်ခံထားရတဲ့ တိုင်းရင်းသား မျိုးနွယ်စုဝင်တွေ နေ့စဉ်နဲ့အမျှ ခွဲခြားဆက်ဆံမှုတွေကို ခါးသီးစွာ ခံစားနေရတဲ့ အခြေအနေဆိုးကြီးကနေ စထားတာပေါ့။အဲ့ဒီလို ဖိနှိပ်ခံနေရတဲ့ အချိန်မှာပဲ၊ ဘယ်သူမှ မျှော်လင့်မထားတဲ့ ခေါင်းဆောင်တစ်ယောက် ရုတ်တရက် ပေါ်ထွက်လာပြီး သူတို့ကို ဦးဆောင်လမ်းပြပေးတဲ့အခါမှာတော့... သူတို့ရဲ့ အခြေခံရပိုင်ခွင့်ဖြစ်တဲ့ နိုင်ငံသားအဖြစ် အသိအမှတ်ပြုခံရဖို့အတွက် စတင် တိုက်ပွဲဝင်ကြပါတော့တယ်။ ဒီလိုနဲ့ သူတို့ကို ခေတ်အဆက်ဆက် ဖိနှိပ်လာခဲ့တဲ့ မတရားတဲ့ အုပ်ချုပ်ရေးစနစ်ကြီးကို သူတို့တွေ ဘယ်လို ရဲရဲဝံ့ဝံ့ အံတုတော်လှန်ကြမလဲ၊ သူတို့လိုချင်တဲ့ တရားမျှတမှုနဲ့ အခွင့်အရေးတွေကိုရော ရယူနိုင်ပါ့မလား ဆိုတာကို သွေးပူစေလောက်အောင် အကြိတ်အနယ် ကြည့်ရှုရမယ့် အက်ရှင်ဒရာမာ ဇာတ်ကားကောင်းလေး တစ်ကားဖြစ်ပါတယ်။