ဒီကားလေးမှာက အောင်မြင်မှုမရသေးဘဲ ရုန်းကန်နေရတဲ့ စာရေးဆရာမလေး လိုးဝဲန် အက်ရှ်လေ (Lowen Ashleigh) ရဲ့ အကြောင်းကို ရိုက်ပြထားတာပါ။ သူမဟာ မတော်တဆမှုတစ်ခုကြောင့် ကိုယ်လက်မလှုပ်ရှားနိုင်တော့တဲ့ နာမည်ကျော် စာရေးဆရာမကြီး ဗယ်ရီတီ ခရောဖို့ဒ် (Verity Crawford) ရဲ့ မပြီးဆုံးသေးတဲ့ ဝတ္ထုတွဲတွေကို ကိုယ်စား ဆက်လက်ရေးသားပေးဖို့ တာဝန်ပေးအပ်ခံရရာကနေ ဇာတ်လမ်းစထားတာပေါ့။စာမူကြမ်းတွေကို ရှာဖွေဖို့ ဗယ်ရီတီရဲ့ အိမ်ကြီးဆီ သွားရောက်နေထိုင်ရင်းနဲ့... တစ်နေ့မှာတော့ လိုးဝဲန်တစ်ယောက် ဗယ်ရီတီ လျှို့ဝှက်ရေးသားထားခဲ့တဲ့ သူမရဲ့ ကိုယ်ရေးအတ္ထုပ္ပတ္တိ မှတ်တမ်းဟောင်း တစ်ခုကို မထင်မှတ်ဘဲ ရှာဖွေတွေ့ရှိသွားခဲ့ပါတယ်။ ဒါပေမယ့် အဲ့ဒီမှတ်တမ်းထဲမှာ ရေးသားထားတာတွေက သာမန် ဖြတ်သန်းမှုတွေ မဟုတ်ဘဲ၊ ကြက်သီးထဖွယ်ကောင်းလောက်အောင် ရက်စက်ကြမ်းကြုတ်တဲ့ မိသားစု လျှို့ဝှက်ချက်တွေနဲ့ အမှောင်မိုက်ဆုံး အဖြစ်အပျက်တွေ ဖြစ်နေတဲ့အခါမှာတော့... အခြေအနေတွေက လုံးဝကို ပြောင်းလဲသွားပါတော့တယ်။ဒီမှတ်တမ်းထဲက ကြောက်စရာကောင်းတဲ့ အမှန်တရားတွေကို ဖော်ထုတ်သင့်သလား၊ ဖုံးကွယ်ထားသင့်သလား ဆိုတဲ့ ဝေခွဲမရတဲ့ အကျပ်အတည်းတွေကြားထဲမှာ... လိုးဝဲန်တစ်ယောက် အသက်အန္တရာယ်ပါ ကျရောက်နိုင်တဲ့ ကြောက်မက်ဖွယ် လျှို့ဝှက်ချက် ကွန်ရက်ကြီးထဲကို မလွှဲမရှောင်သာ ဆွဲသွင်းခံလိုက်ရပါတော့တယ်။ ဘယ်အရာက အမှန်တရား၊ ဘယ်သူက အယောင်ဆောင်ဆိုတာ ခွဲခြားရခက်တဲ့ အခြေအနေတွေအောက်မှာ သူမ ဘယ်လို အသက်လု ရုန်းကန်သွားမလဲ ဆိုတာကို အစအဆုံး ရင်တမမနဲ့ ကြည့်ရှုရမယ့် ဆိုက်ကို-သည်းထိတ်ရင်ဖို (Psychological Thriller) ဇာတ်ကားကောင်းလေး တစ်ကားဖြစ်ပါတယ်။