"It's Buddy!" ဆိုတဲ့ အရောင်အသွေးစုံလင်ပြီး ပျော်ရွှင်စရာကောင်းတဲ့ ကမ္ဘာလေးတစ်ခုမှာ ကလေးငယ်တစ်စုဟာ လိမ္မော်ရောင်တောက်တောက်ရှိတဲ့ Unicorn လေး Buddy နဲ့အတူ နေ့စဉ် သီချင်းဆို၊ ကခုန်ပြီး ပျော်ရွှင်မှုတွေကို လူတိုင်းဆီ မျှဝေပေးရင်း အချိန်ကုန်ဆုံးနေကြပါတယ်။Buddy ဟာ ကလေးတွေအားလုံးကို ပျော်ရွှင်စေချင်တဲ့ ချစ်စရာကောင်းတဲ့ ဇာတ်ကောင်လေးတစ်ကောင်ဖြစ်ပြီး သူ့ရဲ့ကမ္ဘာလေးမှာ ဝမ်းနည်းမှုဆိုတာ မရှိသလောက်ပါပဲ။ဒါပေမဲ့ တစ်နေ့မှာတော့ ကလေးတစ်ယောက်က Buddy ရဲ့ ကစားပွဲတွေမှာ မပါဝင်ချင်ဘဲ ငြင်းဆန်လိုက်တဲ့အခါ အရာအားလုံးဟာ ပြောင်းလဲသွားပါတော့တယ်။ အမြဲတမ်းပြုံးပျော်နေတတ်တဲ့ Buddy ဟာ မကျေနပ်မှုတွေကို စတင်ပြသလာပြီး အပြင်ပန်းမှာ ပြီးပြည့်စုံလှတဲ့ ပျော်ရွှင်စရာကမ္ဘာလေးရဲ့ နောက်ကွယ်မှာ ကြောက်မက်ဖွယ်ရာ အက်ကွဲကြောင်းတွေ ပေါ်ပေါက်လာပါတော့တယ်။အမြဲတမ်းပျော်ရွှင်နေရမယ်ဆိုတဲ့ ဒီကမ္ဘာလေးရဲ့ နောက်ကွယ်မှာ ဘယ်လိုအမှောင်ထုတွေ ပုန်းကွယ်နေသလဲ။ Buddy ရဲ့ တကယ့်ရည်ရွယ်ချက်က ဘာလဲ။ကလေးကမ္ဘာလေးတစ်ခုလို အရောင်အသွေးစုံလင်ပြီး ချစ်စရာကောင်းတဲ့ ပတ်ဝန်းကျင်ကို ကြောက်မက်ဖွယ် Horror အငွေ့အသက်တွေနဲ့ ပြောင်းလဲတင်ဆက်ထားတဲ့ Psychological Horror ဇာတ်ကားတစ်ကားပါ။ အပြုံးတွေရဲ့နောက်ကွယ်မှာ ပုန်းကွယ်နေတဲ့ အန္တရာယ်ကို ရင်တထိတ်ထိတ်နဲ့ ကြည့်ရှုရမှာပါ။