မိခင်ဖြစ်သူ ကွယ်လွန်သွားပြီးနောက် အမျိုးသမီးတစ်ယောက်ဟာ မထင်မှတ်ထားတဲ့ အမွေအနှစ်တစ်ခုကို လက်ခံရရှိခဲ့ပါတယ်။ ဒါပေမဲ့ အဲဒီအမွေဟာ ပစ္စည်းဥစ္စာတွေ မဟုတ်ဘဲ သူမနဲ့ ရုပ်ရည်သွင်ပြင်၊ ပုံစံအမူအရာအားလုံး အတိအကျတူညီနေတဲ့ သဘာဝလွန်သတ္တဝါတစ်ကောင်ပဲ ဖြစ်နေပါတယ်။အစပိုင်းမှာ ထူးဆန်းတဲ့ ဖြစ်ရပ်တစ်ခုလို့သာ ထင်မှတ်ခဲ့ပေမဲ့ အချိန်ကြာလာတာနဲ့အမျှ အဲဒီသတ္တဝါဟာ သူမရဲ့ဘဝထဲကို တဖြည်းဖြည်း ဝင်ရောက်လာပါတော့တယ်။ပိုပြီး ကြောက်စရာကောင်းလာတာကတော့ သူမရဲ့ပုံစံကို အပြည့်အဝတုပနိုင်တဲ့ အဲဒီသတ္တဝါဟာ သူမရဲ့နေရာကို ဝင်ယူပြီး ခင်ပွန်းနဲ့ သားသမီးတွေအတွက် ဇနီးကောင်း၊ မိခင်ကောင်းတစ်ယောက်အဖြစ် အစားထိုးနေထိုင်ဖို့ ကြိုးစားလာတာပါပဲ။ကိုယ့်ရဲ့ပုံစံတူတစ်ယောက်က ကိုယ့်ဘဝကိုပါ လုယူလာတဲ့အခါ သူမတစ်ယောက် ဘယ်လိုရင်ဆိုင်ဖြေရှင်းမလဲ။ မိသားစုဝင်တွေကလည်း သူတို့နဲ့အတူ နေထိုင်နေသူဟာ တကယ့်သူမလား၊ အစားထိုးဝင်ရောက်လာတဲ့ သတ္တဝါလားဆိုတာ ခွဲခြားသိရှိနိုင်ပါ့မလား။ကိုယ့်ရဲ့ပုံစံတူ သဘာဝလွန်သတ္တဝါတစ်ကောင်က ကိုယ့်ဘဝကို အစားထိုးဝင်ယူလာတဲ့အခါ ဖြစ်ပေါ်လာမယ့် ကြောက်မက်ဖွယ်ရာတွေကို ရင်တထိတ်ထိတ်နဲ့ ကြည့်ရှုရမယ့် Supernatural Horror ဇာတ်ကားတစ်ကား ဖြစ်ပါတယ်။