ပထမကမ္ဘာစစ်ကြီး အဆုံးသတ်ခါနီး ၁၉၁၈ ခုနှစ်၊ နိုဝင်ဘာလအတွင်းမှာ အမေရိကန်စစ်သားတစ်စုဟာ ရန်သူ့နယ်မြေအတွင်း ပျောက်ဆုံးနေတဲ့ အာဖရိကန်နွယ်ဖွား အမေရိကန်စစ်သားတစ်စုကို ရှာဖွေကယ်တင်ဖို့ အန္တရာယ်များတဲ့ စစ်ဆင်ရေးတစ်ခုကို စတင်ခဲ့ကြပါတယ်။ ရန်သူ့တပ်တွေရဲ့ ဝိုင်းရံပိတ်ဆို့မှု၊ သေမင်းတမန် ကျည်ဆန်တွေကြားမှာ သူတို့ဟာ အသက်နဲ့ရင်းပြီး ရှေ့ဆက်ရပါတော့တယ်။ဒီစစ်ဆင်ရေးဟာ ပျောက်ဆုံးနေတဲ့ ရဲဘော်တွေကို ရှာဖွေဖို့သက်သက် မဟုတ်ဘဲ လူမျိုးရေးခွဲခြားမှုတွေ၊ စစ်မြေပြင်က သစ္စာတရားနဲ့ ရဲဘော်ရဲဘက်စိတ်ဓာတ်တို့ကိုပါ ရင်ဆိုင်ရမယ့် ခရီးစဉ်တစ်ခု ဖြစ်လာပါတယ်။ စစ်ပွဲရဲ့ နောက်ဆုံးအချိန်လေးမှာတောင် ရဲဘော်တစ်ယောက်ကို ကယ်တင်ဖို့ အသက်စွန့်ရဲကြတဲ့ စစ်သားတွေရဲ့ သတ္တိနဲ့ စွန့်လွှတ်အနစ်နာခံမှုကို ရိုက်ကူးတင်ဆက်ထားတဲ့ စစ်ကားကောင်းတစ်ကား ဖြစ်ပါတယ်။