မင်္ဂလာဆောင်ပြီးစ ဇနီးမောင်နှံ Dasha နဲ့ Sasha တို့ဟာ သူတို့ရဲ့ ဘဝသစ်လေးကို စတင်ဖို့အတွက် Mount Elbrus တောင်ခြေဒေသကို Honeymoon ခရီးထွက်လာခဲ့ကြပါတယ်။ သူတို့နှစ်ဦးရဲ့ အချစ်ခရီးစဉ်မှာ လေထီးခုန်ခြင်း (Skydiving) ကိုလည်း စိတ်လှုပ်ရှားဖွယ် အတွေ့အကြုံတစ်ခုအဖြစ် စီစဉ်ထားခဲ့ကြပါတယ်။ဒါပေမဲ့ ကံကြမ္မာက သူတို့မျှော်လင့်ထားသလို ဖြစ်မလာခဲ့ပါဘူး။ လေယာဉ်မောင်းသူဟာ Dasha ရဲ့ အတိတ်က ချစ်သူဟောင်း Artyom ဖြစ်နေပြီး သူမတောင် ပြန်မမှတ်မိချင်တော့တဲ့ လူတစ်ယောက် ဖြစ်နေပါတယ်။ အဲဒီနောက် မမျှော်လင့်ဘဲ လေယာဉ်ပျက်ကျမှု ဖြစ်ပွားခဲ့ရာ သုံးဦးစလုံးဟာ လေထီးခုန်ဖို့ လေ့ကျင့်မှုမရှိဘဲ အသက်ရှင်ဖို့အတွက် အသည်းအသန် ခုန်ချခဲ့ရပါတော့တယ်။ကံကောင်းထောက်မစွာ အသက်ဘေးက လွတ်မြောက်ခဲ့ပေမဲ့ လေထီးကြိုးတွေ ရှုပ်ထွေးကုန်ပြီး တောင်ကြားနက်ကြီးရဲ့ အပေါ်မှာ တွဲလောင်းကျနေကြရပါတယ်။ အောက်ဘက်မှာလည်း တောမီးတွေ အရှိန်အဟုန်နဲ့ လောင်ကျွမ်းနေတဲ့အတွက် သူတို့သုံးဦးရဲ့ အသက်ရှင်ရေးဟာ အချိန်နဲ့အမျှ စိန်ခေါ်မှုကြီးတစ်ခု ဖြစ်လာပါတော့တယ်။ဒီလို အသက်အန္တရာယ်ကြားမှာ Dasha ဟာ သူမဘဝနဲ့ ဆက်နွယ်နေတဲ့ အမျိုးသားနှစ်ဦးကြား ရောက်ရှိနေပါတယ်။ တစ်ယောက်က လက်ရှိသူမရဲ့ ခင်ပွန်းဖြစ်ပြီး နောက်တစ်ယောက်ကတော့ မမေ့နိုင်သေးတဲ့ အတိတ်က ဒဏ်ရာတစ်ခုပါ။ အသက်ရှင်ရေးအတွက် ရုန်းကန်ရင်း အချစ်၊ သစ္စာတရားနဲ့ အတိတ်ကခံစားချက်တွေကိုပါ ရင်ဆိုင်ရမယ့် ဒီဇာတ်ကားဟာ ရင်ခုန်စိတ်လှုပ်ရှားစရာ Survival Thriller ဇာတ်ကားကောင်းတစ်ကား ဖြစ်ပါတယ်။