အလုပ်အကိုင်လောကမှာ ၃၇ နှစ်ကြာ အတွေ့အကြုံရှိခဲ့တဲ့ အငြိမ်းစားဝန်ထမ်းကြီး Ki-ho ဟာ ဖက်ရှင်လုပ်ငန်းသစ် WOO22 မှာ Senior Intern တစ်ယောက်အဖြစ် အလုပ်ပြန်လည်ဝင်ရောက်လာခဲ့ပါတယ်။ဒါပေမဲ့ သူ့အတွက်တော့ နည်းပညာကို အခြေခံထားတဲ့ ခေတ်သစ်လုပ်ငန်းခွင်ပုံစံတွေ၊ စည်းမျဉ်းစည်းကမ်းမတူတဲ့ လူငယ်တွေရဲ့ အလုပ်လုပ်ပုံတွေဟာ လုံးဝစိမ်းသက်နေခဲ့ပါတယ်။တစ်ဖက်မှာလည်း လူငယ်ဆန်ပြီး အတွေးအခေါ်ဆန်းသစ်တဲ့ WOO22 ရဲ့ CEO Sun-woo နဲ့ Ki-ho တို့ဟာ အမြင်ချင်းမတူညီမှုတွေကြောင့် မကြာခဏ အခက်အခဲတွေ ကြုံတွေ့လာရပါတယ်။သို့သော် အသက်အရွယ်နဲ့ အတွေ့အကြုံ ကွာခြားမှုတွေကြားမှာ တစ်ယောက်ဆီက တစ်ယောက် သင်ယူစရာတွေ ရှိနေကြောင်း တဖြည်းဖြည်း နားလည်လာကြပြီး မမျှော်လင့်ထားတဲ့ သံယောဇဉ်တစ်ခုကို တည်ဆောက်လာကြပါတယ်။အသက်ကြီးလို့ သင်ယူလို့ မရတော့တာ မဟုတ်သလို၊ ငယ်ရွယ်လို့လည်း အရာရာကို သိနေကြတာ မဟုတ်ပါဘူး။မျိုးဆက်နှစ်ခုကြားက နားလည်မှု၊ ခင်မင်မှုနဲ့ ဘဝသင်ခန်းစာတွေကို နွေးထွေးစွာ တင်ဆက်ထားတဲ့ ဒီဇာတ်လမ်းလေးက အသက်အရွယ်မရွေး လူတိုင်းအတွက် အတွေးတစ်စုံတစ်ရာ ပေးစွမ်းနိုင်မယ့် ဇာတ်ကားကောင်းတစ်ကားပဲ ဖြစ်ပါတယ်။