ဗီယက်နမ်နိုင်ငံရဲ့ အထင်ကရရိုးရာအစားအစာတစ်မျိုးဖြစ်တဲ့ Phở (ဗီယက်နမ်ဆန်ခေါက်ဆွဲပြုတ်) ကို အခြေခံပြီး မျိုးဆက်ဟောင်းနဲ့ မျိုးဆက်သစ်ကြားက အတွေးအခေါ်ကွဲပြားမှုတွေ၊ ရိုးရာဓလေ့နဲ့ ခေတ်မီလူနေမှုပုံစံတို့ရဲ့ ပဋိပက္ခတွေကို စိတ်ဝင်စားဖွယ် ရိုက်ကူးတင်ဆက်ထားတဲ့ ဇာတ်လမ်းတစ်ပုဒ် ဖြစ်ပါတယ်။မိသားစုအတွင်းမှာ ရိုးရာအစဉ်အလာကိုသာ လက်ကိုင်ထားချင်သူတွေနဲ့ ခေတ်သစ်အတွေးအခေါ်အတိုင်း ရှေ့ဆက်ချင်သူတွေကြား သဘောထားကွဲလွဲမှုတွေ၊ အငြင်းပွားမှုတွေ ဆက်တိုက်ဖြစ်ပေါ်လာခဲ့ပါတယ်။ ဒါပေမဲ့ အဲဒီပဋိပက္ခတွေရဲ့ နောက်ကွယ်မှာ ဘယ်သူမှ မသိသေးတဲ့ လျှို့ဝှက်ချက်တွေနဲ့ မိသားစုရဲ့ အတိတ်က အကြောင်းအရာတွေ တဖြည်းဖြည်း ပေါ်ထွက်လာပါတော့တယ်။ရယ်မောစရာ အလွဲအချော်တွေ၊ ဉာဏ်ကစားမှုတွေနဲ့ ချစ်စရာကောင်းတဲ့ အခိုက်အတန့်တွေကြားမှာ မိသားစုဝင်တွေအချင်းချင်း နားလည်ခွင့်လွှတ်တတ်လာပြီး ပျောက်ဆုံးနေတဲ့ မိသားစုနွေးထွေးမှုတွေကို ပြန်လည်ရှာဖွေကြမှာ ဖြစ်ပါတယ်။အစားအစာတစ်ပွဲရဲ့ နောက်ကွယ်က မိသားစုသံယောဇဉ်၊ မျိုးဆက်အလိုက် အမြင်မတူညီမှုတွေနဲ့ ရယ်မောပျော်ရွှင်ဖွယ် အဖြစ်အပျက်တွေကို ပေါင်းစပ်တင်ဆက်ထားတဲ့ နွေးထွေးကြည်နူးစရာ Family Comedy Drama ဇာတ်ကားကောင်းတစ်ကား ဖြစ်ပါတယ်။