အလုပ်ခွင်ဖိအားတွေ၊ အထက်လူကြီးရဲ့ အနိုင်ကျင့်မှုတွေနဲ့ နိုင်ငံခြားထွက်ခွာဖို့ အိပ်မက်ကြားက လူငယ်တစ်ယောက်ရဲ့ ဘဝဇာတ်လမ်း…ဗက်ထရီ (Vetri) ဟာ နိုင်ငံခြားမှာ အခြေချနေထိုင်ပြီး ပိုမိုကောင်းမွန်တဲ့ အနာဂတ်တစ်ခုကို တည်ဆောက်ချင်နေတဲ့ IT ဝန်ထမ်းတစ်ယောက် ဖြစ်ပါတယ်။ဒါပေမဲ့ သူ့ရဲ့အလုပ်ခွင်မှာတော့ စိတ်သဘောထားကြမ်းတမ်းပြီး အလုပ်အပေါ် အလွန်အမင်းတောင်းဆိုတတ်တဲ့ အထက်လူကြီးတစ်ယောက်နဲ့ ရင်ဆိုင်နေရပါတယ်။ အလုပ်တာဝန်တွေကို ဖိအားပေးခိုင်းစေမှု၊ အထက်လူကြီးရဲ့ ဆူပူကြိမ်းမောင်းမှုတွေအောက်မှာ ဗက်ထရီတစ်ယောက် နေ့စဉ်စိတ်ပင်ပန်းမှုတွေနဲ့ ဖြတ်သန်းနေရပါတယ်။တစ်ဖက်မှာလည်း နိုင်ငံခြားထွက်ခွာပြီး ဘဝသစ်တစ်ခု စတင်နိုင်ဖို့ သူ့ရဲ့အိပ်မက်ကို အကောင်အထည်ဖော်ဖို့ ကြိုးစားနေရပါတယ်။ဒီလိုနဲ့ အလုပ်ခွင်က အခက်အခဲတွေနဲ့ ကိုယ်ပိုင်အိပ်မက်တွေကြားမှာ ဗက်ထရီတစ်ယောက် ဘယ်လိုရုန်းကန်ကျော်ဖြတ်သွားမလဲဆိုတာ စိတ်ဝင်စားဖွယ် ကြည့်ရှုရမယ့် ဇာတ်လမ်းလေးတစ်ပုဒ် ဖြစ်ပါတယ်။အလုပ်ခွင်မှာ အထက်လူကြီးရဲ့ ဖိအားတွေကို ဘယ်လောက်အထိ သည်းခံနိုင်မလဲ။ ကိုယ်မက်ထားတဲ့ အနာဂတ်အိပ်မက်တွေကိုရော အကောင်အထည်ဖော်နိုင်ပါ့မလား။