Ever Victorious FHD

Ever Victorious

Action FHD 2023-12-28 6.1 100 Min

မိသားစုတစ်စုလုံးကို သတ်ဖြတ်ခဲ့တဲ့ ရန်သူကို လက်စားချေဖို့ ကြိုးစားရင်း နိုင်ငံတော်ရဲ့ ကံကြမ္မာအတွက်ပါ တိုက်ပွဲဝင်ခဲ့ရတဲ့ သူရဲကောင်းတစ်ဦးရဲ့ ဇာတ်လမ်း… စစ်ပွဲတွေ အပြင်းအထန်ဖြစ်ပွားနေတဲ့ ရှေးခေတ်တရုတ်နိုင်ငံ စစ်မက်ကာလတစ်ခုမှာ တန်နိုင်ငံရဲ့ တောင်ပိုင်းနယ်စပ်ဒေသမှာ ယောင်ရွာလို့ခေါ်တဲ့ ရွာလေးတစ်ရွာ ရှိပါတယ်။ တစ်နေ့မှာတော့ သူရဲကောင်း ဂဲဒုံလီ (Ge Dongli) ဟာ နေရပ်ကို ပြန်ရောက်လာချိန်မှာ တစ်ရွာလုံး ရက်စက်စွာ သတ်ဖြတ်ခံထားရတာကို တွေ့ရှိခဲ့ရပါတယ်။အဆိုးဆုံးကတော့ သူ့ရဲ့ဖခင်ဖြစ်သူပါ အသတ်ခံထားရတာကြောင့် ဂဲဒုံလီတစ်ယောက် ဝမ်းနည်းဒေါသထွက်ပြီး တရားခံတွေကို လက်စားချေဖို့ ဆုံးဖြတ်လိုက်ပါတော့တယ်။ အမှုကို လိုက်လံစုံစမ်းရင်း နောက်ကွယ်က တရားခံအစစ်ဟာ တန်နိုင်ငံရဲ့ လူအများလေးစားကြတဲ့ စစ်သူကြီး ယူဝူ (Yu Wu) ဖြစ်နေကြောင်း သိရှိလာခဲ့ပါတယ်။တကယ်တော့ လွန်ခဲ့တဲ့ သုံးနှစ်က တန်နိုင်ငံရဲ့ မင်းသားဟာ ယွဲ့နိုင်ငံမှာ ဓားစာခံအဖြစ် စေလွှတ်ခံထားရသူ ဖြစ်ပါတယ်။ သုံးနှစ်အကြာမှာတော့ ယူဝူစစ်သူကြီးရဲ့ ဦးဆောင်မှုနဲ့အတူ တန်နိုင်ငံဟာ စစ်အင်အား ပိုမိုတောင့်တင်းလာခဲ့ပြီး ယွဲ့နိုင်ငံကို စစ်ချီတိုက်ခိုက်ဖို့ ပြင်ဆင်နေခဲ့ပါတယ်။အဲဒီအချိန်မှာ ယူဝူစစ်သူကြီးကို လုပ်ကြံဖို့ ကြိုးစားခဲ့တဲ့ ယွဲ့နိုင်ငံသား လုပ်ကြံသတ်ဖြတ်သူတစ်ဦးဟာ ထွက်ပြေးလွတ်မြောက်ရင်း တန်နိုင်ငံကို ဝင်ရောက်နိုင်တဲ့ လျှို့ဝှက်လမ်းကြောင်းတစ်ခုကို ယောင်ရွာအတွင်းမှာ ရှာဖွေတွေ့ရှိသွားခဲ့ပါတယ်။ ဒီလျှို့ဝှက်လမ်းကြောင်းကို ဘယ်သူမှ မသိစေဖို့အတွက် ယူဝူစစ်သူကြီးဟာ ရွာသားအားလုံးကို သတ်ဖြတ်ဖို့ အမိန့်ပေးခဲ့ခြင်း ဖြစ်ပါတယ်။အမှန်တရားကို သိရှိသွားတဲ့ ဂဲဒုံလီဟာ လက်စားချေလိုစိတ်နဲ့ နိုင်ငံတော်အတွက် တာဝန်ရှိမှုကြားမှာ ရွေးချယ်မှုတစ်ခု ပြုလုပ်ရပါတော့တယ်။ နောက်ဆုံးမှာတော့ ကိုယ်ရေးကိုယ်တာ နာကျည်းချက်တွေကို ဘေးဖယ်ထားပြီး ဓားစာခံဖြစ်နေတဲ့ မင်းသားကို ကယ်တင်ဖို့ ယူဝူစစ်သူကြီးနဲ့ ပူးပေါင်းဖို့ ဆုံးဖြတ်လိုက်ပါတယ်။မိသားစုကို သတ်ခဲ့တဲ့သူနဲ့ တစ်ဖက်တည်း ပူးပေါင်းရတဲ့အခါ ဂဲဒုံလီတစ်ယောက် ဘယ်လိုဆုံးဖြတ်ချက်တွေ ချမှတ်သွားမလဲ။ မင်းသားကို အချိန်မီ ကယ်တင်နိုင်ပါ့မလား။သမိုင်းနောက်ခံ၊ ကိုယ်ခံပညာတိုက်ခိုက်ခန်းများ၊ လက်စားချေမှုနဲ့ နိုင်ငံတော်အတွက် စွန့်လွှတ်အနစ်နာခံမှုတွေကို ပေါင်းစပ်တင်ဆက်ထားတဲ့ ရှေးခေတ်တရုတ်အက်ရှင်ဇာတ်ကားကောင်းတစ်ကား ဖြစ်ပါတယ်။