ဒီကားလေးကတော့ 2017 ခုနှစ်က ထွက်ရှိခဲ့တဲ့ အင်ဒိုနီးရှား web series ကို ရုပ်ရှင်ဇာတ်ကားအဖြစ် ပြန်လည်ရိုက်ကူးတင်ဆက်ထားတဲ့ သဘာဝလွန်အချစ်ဇာတ်ကားလေး ဖြစ်ပါတယ်။ ဂျိုနာသန်ဟာ ဓါတ်ပုံပညာရှင်တစ်ယောက်ဖြစ်ပြီး ခရိုအေးရှားမှာ အခြေချနေထိုင်ရင်း ဓါတ်ပုံပြပွဲတစ်ခုအတွက် ပြင်ဆင်နေသူတစ်ယောက်ပါ။ Broken family က ကြီးပြင်းလာသူမို့ စိတ်ဒဏ်ရာတွေနဲ့အတူ ဘဝကို တယူသန်နေထိုင်လာခဲ့သူ ဖြစ်ပါတယ်။ ဒီလိုနဲ့ ဂျိုနာသန်ဆီကို အနာဂတ်က သူ့မိန်းမဆိုသူ ဆိုရေ တစ်ယောက် အချိန်ခရီးသွားပြီး ထူးဆန်းစွာရောက်လာခဲ့ပါတယ်။ သူ ရောက်လာရတဲ့ ရည်ရွယ်ချက်က ဂျိုနာသန့်ဘဝကို ပိုကောင်းမွန်လာအောင် ဖန်တီးပေးချင်တဲ့ရည်ရွယ်ချက်နဲ့ပါ။ သို့ပေမယ့် အလွဲလွဲအချော်ချော်တွေဖြစ်ပြီး အစကနေ ပြန်ပြန်စခဲ့ရပါတယ်။ ဆိုရေတစ်ယောက် ဂျိုနာသန်ရဲ့စိတ်ဒဏ်ရာတွေကို ဘယ်လိုကုစားပေးပြီး ပိုကောင်းမွန်တဲ့လူတစ်ယောက် ဖြစ်လာအောင် ဘယ်လိုပါရမီဖြည့်ပေးမလဲဆိုတာကို စိတ်ကူးယဥ်ဆန်ဆန် ကြည့်ရှုခံစားရမယ့် အင်ဒိုနီးရှား အချစ်ဒရမ်မာဇာတ်ကားလေး ဖြစ်ပါတယ်။