ဒီဇာတ်ကားကတော့ 2012 ခုနှစ်က ရေးခဲ့တဲ့ Webcomic ကို ရိုက်ကူးထားတဲ့ ကြောက်လန့်ဖွယ် Horror ဇာတ်လမ်းအမျိုးအစား ဖြစ်ပါတယ်။ ဒါရိုက်တာ Yoo Sun-Dong ရိုက်ကူးပြီး Choi Yoon-young, Shin Joo-hwan, Jung Eun-ji, Lee Sung-yeol တို့က အဓိကဇာတ်ဆောင်များအဖြစ် ပါဝင်သရုပ်ဆောင်ထားပါတယ်။ဇာတ်လမ်းအကျဥ်း******************လူတစ်ယောက်ရဲ့ ဦးနှောက်လှိုင်း ကြိမ်နှုန်း 0.0MHz ရောက်သွားရင် အဲဒီလူက ဝိညာဥ်ထွက်သွားပြီး သရဲတွေကို မြင်ရတယ်တဲ့။သဘာဝလွန်ဖြစ်တည်မှုတွေ၊ ပရလောကဖြစ်ရပ်တွေကို သိပ္ပံနည်းနဲ့လေ့လာတဲ့ တက္ကသိုလ်ကျောင်းသားအဖွဲ့တစ်ဖွဲ့ဟာ သူတို့ရဲ့ ပရောဂျက်အသစ်အဖြစ် သရဲခြောက်တယ်ဆိုတဲ့ စွန့်ပစ်ထားတဲ့အိမ်ဟောင်းတစ်ခုကို သွားပြီး ဦးနှောက်လှိုင်းစစ်ဆေးမှုကို ပြုလုပ်ရာကနေ မထင်ထားတဲ့အရာတွေ ဖြစ်လာပါတော့တယ်။သူတို့သိထားသလို 0.0MHz မှာ တကယ်ပဲ သရဲတွေကို မြင်ရမှာလား၊ သူတို့ရဲ့လေ့လာမှုကရော အောင်မြင်မှာလားဆိုတာကို စိတ်ဝင်စားဖွယ် ကြည့်ရှုရမှာပဲ ဖြစ်ပါတယ်။