13 Days, 13 Nights FHD

13 Days, 13 Nights

ဇာတ်လမ်းအကျဉ်းဇာတ်လမ်းက ၂၀၂၁ ခုနှစ်၊ သြဂုတ်လ ၁၅ ရက်နေ့ ကဘူးလ်မြို့ (Kabul) မှာ အမေရိကန်တပ်တွေ အာဖဂန်နစ္စတန်ကနေ ဆုတ်ခွာဖို့ ပြင်နေချိန်၊ တာလီဘန်တွေက မြို့တော်ကို ဝင်သိမ်းလိုက်တဲ့ အချိန်ကနေ စထားတာပါ။ တစ်မြို့လုံး ကမောက်ကမတွေဖြစ်၊ လူတွေလည်း ကြောက်လန့်တကြား ထွက်ပြေးကြရတဲ့ အခြေအနေမှာ ပြင်သစ်သံရုံးလေးကပဲ နောက်ဆုံးလက်ကျန် လုံခြုံတဲ့ နေရာတစ်ခု ဖြစ်နေခဲ့တယ်။အဲဒီမှာ သံရုံးလုံခြုံရေး တာဝန်ယူထားရတဲ့ တပ်မှူး မိုဟာမက် ဘီဒါ (Mohamed Bida) နဲ့ သူ့လူတွေဟာ သံရုံးထဲမှာ ပိတ်မိနေတဲ့ သံတမန်တွေ၊ အကူအညီပေးရေး ဝန်ထမ်တွေနဲ့ အာဖဂန်ဒေသခံ ၅၀၀ ကျော်ကို ကယ်တင်ဖို့ တာဝန်ကျလာပါတော့တယ်။ အကူအညီလည်း ထပ်မရနိုင်၊ အခြေအနေကလည်း အချိန်နဲ့အမျှ ဆိုးရွားလာတဲ့ကြားကနေဒီလူတွေကို လေဆိပ်ရောက်အောင် ဘယ်လိုခေါ်သွားမလဲဆိုတာ ရင်တမမနဲ့ ကြည့်ရမှာပါ။ဒီစစ်ဆင်ရေးကို ကိုယ်တိုင်ဦးဆောင်ခဲ့တဲ့ တပ်မှူး ဘီဒါ ရဲ့ ကိုယ်တွေ့စာအုပ်ကို ပြန်ရိုက်ထားတာဆိုတော့ ဇာတ်ကွက်တွေက တကယ့်ကို အသက်ဝင်ပါတယ်။အက်ရှင်ခန်းတွေချည်းပဲ သက်သက်မဟုတ်ဘဲ၊ တာလီဘန်တွေနဲ့ ညှိနှိုင်းရတာတွေ၊ လူသားချင်းစာနာမှု အကူအညီပေးရေး ဝန်ထမ်း အီဗာ (Eva) နဲ့ ပူးပေါင်းပြီး လေဆိပ်ကို အရောက်သွားဖို့ ၁၃ ရက်နဲ့ ၁၃ ညတိုင်တိုင် အသက်လုရုန်းကန်ရပုံတွေကို တော်တော်လေး စိတ်လှုပ်ရှားဖို့ကောင်းအောင် ရိုက်ပြထားတယ်။ပြင်သစ်မင်းသား Roschdy Zem က တပ်မှူးနေရာကနေ အပီအပြင် သရုပ်ဆောင်ထားပြီး၊ Lyna Khoudri နဲ့ Sidse Babett Knudsen တို့လို နာမည်ကြီး သရုပ်ဆောင်တွေလည်း ပါဝင်အားဖြည့်ထားပါတယ်။Action Thriller တွေ၊ နိုင်ငံရေးပဋိပက္ခကြားက လွတ်မြောက်ရေး ကြိုးပမ်းတဲ့ ဖြစ်ရပ်မှန် ဇာတ်ကားတွေကို သဘောကျတယ်ဆိုရင်တော့ တကယ့်ကို ကြည့်သင့်တဲ့ ကားကောင်းလေးပါပဲ။