Inadequate People FHD

Inadequate People

ရုရှားရုပ်ရှင်လောကရဲ့ လူကြိုက်အများဆုံးနဲ့ အနှစ်သာရအရှိဆုံး Independent Romantic Comedy-Drama ကားတွေထဲက တစ်ကားဖြစ်ပါတယ်။ ဒီဇာတ်ကားရဲ့ အသက်က ဇာတ်ကောင်တွေကြားက အပြန်အလှန် စကားပြောခန်းတွေပါ။အသက် ၃၀ အရွယ် Vitaly ဟာ သူ့ရဲ့ အတိတ်က နာကျင်စရာတွေနဲ့ စိတ်ရှုပ်စရာ ပြဿနာတွေကို ထားခဲ့ပြီး မော်စကိုမြို့ကြီးဆီ ပြောင်းရွှေ့လာခဲ့ပါတယ်။ သူဟာ အေးအေးဆေးဆေးနေရင်း သူ့ရဲ့ စိတ်အတွင်းငြိမ်းချမ်းမှုကို ရှာဖွေဖို့ ကြိုးစားနေသူပါ။ ဒါပေမဲ့ သူရောက်သွားတဲ့ ပတ်ဝန်းကျင်က သူ့ကို အေးဆေးပေးမနေပါဘူး။ ဘေးအိမ်က အမြဲတမ်း ပြဿနာရှာတတ်တဲ့ ဆယ်ကျော်သက်ကောင်မလေး Kristina သူ့ကို အမြဲတမ်း ညှို့ယူဖို့ ကြိုးစားနေတဲ့ သူ့ရဲ့ သူဌေးမ၊ ပြီးတော့ ထူးဆန်းတဲ့ စိတ်ပညာရှင် သူငယ်ချင်းတစ်ယောက် စသဖြင့် သူ့ပတ်ဝန်းကျင်မှာ "ပုံမှန်မဟုတ်တဲ့သူတွေ" (Inadequate people) နဲ့ပဲ ကြုံတွေ့နေရပါတယ်။ Vitaly တစ်ယောက် ဒီလိုလူတွေကြားမှာ သူဖြစ်ချင်တဲ့ ဟာမိုနီကို ဘယ်လိုရှာဖွေမလဲ၊ Kristina နဲ့ရော ဘယ်လိုမျိုး ထူးခြားတဲ့ သံယောဇဉ်တွေ ဖြစ်လာမလဲဆိုတာကို ရိုက်ပြထားပါတယ်။