City Boys: Golden Boyz FHD

City Boys: Golden Boyz

Comedy FHD 2026

IMDb rating 7.8/10 ရရှိထားပြီး Romania မှာ နာမည်အကြီးဆုံးတွေဖြစ်တဲ့ A-list ဟာသလူရွှင်တော်တွေ၊ သရုပ်ဆောင်တွေ ပါဝင်ထားတဲ့ တစ်ကားလုံး ခွက်ထိုးခွက်လန် ရယ်ရမဲ့ ဟာသကားတစ်ကားနဲ့ မိတ်ဆက်ပေးလိုက်ပါတယ်။ Bucharest မြို့က အရမ်းရင်းနှီးကြတဲ့ ဘော်ဒါအုပ်စုတစ်စုမှာ Malone ကတော့ အံ့ဩစရာကောင်းလောက် အရမ်းပိန်းလွန်းတဲ့ စာမတတ်ပေမတတ် ငတုံးတစ်ယောက်ပါ။ တစ်နေ့မှာ Malone တစ်ယောက် သူ့ရဲ့ ရပ်ဝေးက အမျိုးတစ်ယောက် ဆုံးသွားပြီး သန်းပေါင်းများစွာရှိတဲ့ အမွေကိုဆက်ဆံရဖို့ အခွင့်အရေးရလာပါတော့တယ်။ အဲဒါကတော့ သေသူရဲ့သေတမ်းစာမှာ သူ့ရဲ့ဆွေမျိုးတွေထဲက ပထမဆုံး တက္ကသိုလ်တက်နိုင်တဲ့သူကို အမွေတွေအားလုံး ပေးသွားမှာပါတဲ့။ ဖြစ်ချင်တော့ ဆွေမျိုးတွေထဲမှာ ကျန်တဲ့သူအကုန်လုံးကလည်း ပါရမီရှင် ငတုံးတွေချည်းမို့ Malone တစ်ယောက် အမွေဆက်ဆံရရှိတဲ့သူဖြစ်လာဖို့ Bucharest အထက်တန်းကျောင်းကို တက်ပြီး စာမေးပွဲအောင်အောင် ကြိုးစားပါတော့တယ်။ ဇာတ်လမ်းပထမတစ်ဝက်မှာတော့ Malone စာမေးပွဲအောင်ဖို့ သူ့သူငယ်ချင်းတွေနဲ့အတူ အကုန်လုံးဝိုင်းကြိုးစားကြရင်း Malone ရဲ့ အံ့ဖွယ် ပိန်းနိုင်လွန်းတဲ့ တုံးအမှုတွေကြောင့် သူ့ရဲ့ဆရာတွေအကုန် လက်ရောခြေရောလန်သွားမဲ့အပြင် နောက်ပိုင်းမှာတော့ မထင်မှတ်ထားတဲ့ ဇာတ်အိမ်အပြောင်းအလဲတွေကြောင့် အစွန်းရောက်အခြေအနေတွေနဲ့ ကြုံလာရပြီး သူတို့သူငယ်ချင်းတစ်သိုက် ဘာတွေကို ဆက်ပြီးရင်ဆိုင်တိုက်ပွဲဝင်ရဦးမလဲဆိုတာကို အရယ်မရပ်နိုင်ဘဲ ကြည့်ရှုရမဲ့ ဟာသဇာတ်လမ်းကောင်း တစ်ပုဒ်ပဲဖြစ်ပါတယ်။