အခုတစ်ခါမှာတော့ New Heart ထဲမှ မင်းသားကြီး Jo Jae Hyun , The Winning Try , Heroes Next Door က မင်းသား Yoon Kye Sang , ကေဒရမ်မာပရိသတ်တွေနဲ့ မစိမ်းတဲ့ သရုပ်ဆောင်ကြီး Park In Hwang တို့ အဓိက ပါဝင်ထားပြီး ၂၀၀၉ ခုနှစ်မှာ ထွက်ရှိခဲ့တဲ့ ဇာတ်ကားလေးကို တင်ဆက်ပေးလိုက်ပါတယ်။ ဇာတ်လမ်းအညွှန်း ***************** သေဒဏ်စီရင်မှုကို ၁၂ နှစ်ကြာ ရပ်နားထားပြီးနောက် အကျဉ်းထောင်ထဲမှာ Executioner အဖြစ် တာဝန်ထမ်းဆောင်ရမယ့် အကျဉ်းထောင်အစောင့်တွေဟာ လူတစ်ယောက်ရဲ့ အသက်ကို အဆုံးသတ်ပေးရမယ့် တာဝန်ကို ယူဖို့ ဖြစ်လာခဲ့ပါတယ်။ အစပိုင်းမှာတော့ အဲဒီတာဝန်ကို ပုံမှန်အလုပ်တစ်ခုလိုသဘောထားခဲ့ကြပေမယ့် တကယ်တမ်း သေဒဏ်စီရင်ရမဲ့နေ့ နီးကပ်လာတာနဲ့အမျှ အကျဉ်းသားတွေသာမကဘဲ ထောင်စောင့်တွေကပါ အကြောက်တရားနဲ့ စိတ်ဖိစီးမှုအောက်မှာ တဖြည်းဖြည်း ပြိုလဲလာကြပါတော့တယ် …။ လူသားဆန်တဲ့စိတ်ဓါတ်နဲ့ အထက်က အမိန့်ကြားမှာ လွန်ဆွဲရင်း နောက်ဆုံးမှာ ဘယ်လိုအဆုံးသတ်က သူတို့ကို စောင့်ကြိုနေမလဲဆိုတာကို စိတ်ဝင်စားဖွယ် ကြည့်ရှုရမဲ့ ဇာတ်ကားလေးဖြစ်ကြောင်း ညွှန်းဆိုချင်ပါတယ်။