HI-FIVE ထဲက မင်းသမီးကြီး Ra Mi-Ran၊ Teach You A Lesson ထဲက မင်းသား Kim Moo-Yul၊ When Life Gives You Tangerines ထဲက မင်းသမီးကြီး Na Moon-Hee နဲ့ လက်ရှိပြသနေတဲ့ Agent Kim Reactivated ထဲက မင်းသား Yoon Kyung-Ho တို့ အဓိက ပါဝင်သရုပ်ဆောင်ထားတဲ့ နိုင်ငံရေးဟာသကားဟောင်းလေးကို ပြန်လည်ပြီး တင်ဆက်ပေးလိုက်ပါတယ် - ဇာတ်လမ်းအကျဉ်း - လွှတ်တော်အမတ် ဂျူဆန်းဆု (Ra Mi-Ran) ဟာ ပြည်သူချစ်တဲ့ ရိုးသားဖြောင့်မတ်သူအဖြစ် နာမည်ကြီးပေမဲ့ တကယ်တမ်းက အလိမ်အညာပေါင်းစုံနဲ့ အသက်ဆက်နေသူပါ။ အဆိုးဆုံးကတော့ အဘွားဖြစ်သူ ဂင်အို့ဟီး (Na Moon-Hee) အသက်ရှင်လျက်ရှိနေသေးတာကိုတောင် ဆုံးသွားပြီလို့ လိမ်ညာပြီး ပိုင်ဆိုင်မှုအားလုံး လှူဒါန်းထားတဲ့ အဘွားရဲ့နာမည်ကောင်းကို အသုံးချကာ "အို့ဟီးဖောင်ဒေးရှင်း"ကို တည်ထောင်ထားတာပါပဲ။ ဒီလို ဆန်းဆုရဲ့ အလိမ်အညာလုပ်ရပ်တွေကို မခံမရပ်နိုင်ဖြစ်လာတဲ့ သူ့အဘွားက မိုးသည်းထန်တဲ့ ညတစ်ညမှာ တောင်းလိုက်တဲ့ ဆုကတော့... "ကျွန်မတို့ဆန်းဆု အသိစိတ်ဝင်ပြီး စိတ်ထားကောင်းကောင်းနဲ့ လိမ်မပြောဘဲ နေအောင် လုပ်ပေးတော်မူပါ"တဲ့ အဲဒီအချိန်မှာပဲ ရုတ်တရက် မိုးကြိုးပစ်ချလာပြီး မမျှော်လင့်ဘဲ အဘွားရဲ့ ဆုတောင်းစကားက အမှန်တကယ် ပြည့်မြောက်သွားပါတော့တယ်... ရွေးကောက်ပွဲကလည်း နီးလာ လိမ်ပြောလို့ကလည်း မရနဲ့ နှစ်ရှည်လများ ကြိုးစားဖုံးကွယ်လာခဲ့ရတဲ့ အမှန်တရားတွေ ဘူးပေါ်သလို ပေါ်ကုန်တဲ့အခါ... ဆန်းဆုရဲ့ နိုင်ငံရေးခရီးလမ်းက ဘယ်လို အလွဲလေးတွေနဲ့ ရင်ဆိုင်ရမလဲဆိုတာကို ခံစားကြည့်ရှုရင်း စိတ်အပန်းဖြေလိုက်ကြပါဦးနော်။