Miss Gold Digger FHD

Miss Gold Digger

Comedy Romance FHD 2007

မင်းသမီးချော Han Ye-seul နဲ့ မင်းသား Lee Jong-hyuk တို့က အဓိကပါဝင် သရုပ်ဆောင်ထားပါတဲ့ "Miss Gold Digger" ဆိုတဲ့ ရုပ်ရှင်ဇာတ်ကားလေးဟာ ၂၀၀၇ ခုနှစ်မှာ ဒါရိုက်တာ Park Yong-jib က ရိုက်ကူးထားတဲ့ အချစ်ဟာသ ဇာတ်ကားလေးတစ်ကားပဲဖြစ်ပါတယ်။ဒီဇာတ်ကားမှာ အနာဂတ်အတွက် တည်ငြိမ်တဲ့ ဘဝတစ်ခုကို လိုချင်လွန်းလို့ အမျိုးသား ၃ ယောက်ကို တစ်ပြိုင်နက်တည်း တွဲပြီး သူတို့ရဲ့ အရည်အချင်း၊ စရိုက်နဲ့ စီးပွားရေးအခြေအနေတွေကို ဂရုတစိုက် တွက်ချက်နေတဲ့ မမ ရှင်မီဆူ(Han Ye-seul) ရဲ့ အိုင်ဒီယာထူးထူးဆန်းဆန်း အချစ်ဘဝလေးကို အခြေခံပြီး ရိုက်ကူးထားတာပဲဖြစ်ပါတယ်။သူမဟာ အချစ်ကို စိတ်ကူးယဉ်မနေဘဲ လက်တွေ့ကျကျ စီမံကိန်းချပြီး စေ့စေ့စပ်စပ် ရွေးချယ်ဖို့ ကြိုးစားနေသူ ဖြစ်ပါတယ်။သူမရဲ့ ရည်ရွယ်ချက်ကတော့ ရိုးရိုးလေးပါပဲ။ ဘဝမှာ နောင်တမရစေမယ့် ပြီးပြည့်စုံတဲ့ အမျိုးသားတစ်ယောက်ကို ရွေးချယ်ပြီး လွတ်လပ်၊ အေးချမ်းတဲ့ အိမ်ထောင်ရေးဘဝတစ်ခုကို ပိုင်ဆိုင်ချင်တာပါ။ဒါပေမဲ့ အချစ်ဆိုတာ တွက်ချက်လို့ရတဲ့ အရာမဟုတ်သလို၊ ယောက်ျား ၃ ယောက်ကြားမှာ လှည့်ပတ် အချိန်ပေးနေရင်း ဖြစ်လာတဲ့ အလွဲတွေနဲ့ လက်တွေ့ဘဝရဲ့ ရိုက်ခတ်မှုတွေက ကြီးလာတဲ့အခါ… သူမရဲ့ ရွေးချယ်မှုနဲ့ နည်းလမ်းတွေက မှန်ကန်နေပါဦးမလား...ဟာသနဲ့ အချစ်ရေး ပဋိပက္ခတွေကို တစ်ပြိုင်နက်တည်း ခံစားရမယ့် ဒီဇာတ်ကားဟာ အချစ်မှာ "လက်တွေ့ကျမှု" ဆိုတာ ဘာလဲ၊ တကယ်စစ်မှန်တဲ့ "အချစ်" ဆိုတာရော ဘယ်လိုအရာမျိုးလဲဆိုတာကို ပေါ့ပေါ့ပါးပါးလေး ပြန်လည်တွေးတောစေမယ့် ရုပ်ရှင်တစ်ကားပဲဖြစ်ပါတယ်။ ဒီလို စိတ်ထွက်ပေါက်ရစေမယ့် ဇာတ်ကားလေးကို အတူတူ ကြည့်ရှုခံစားလိုက်ကြရအောင်ပါနော်။