ဒီတစ်ခေါက်မှာတော့ ပရိသတ်ကြီးတို့အတွက် ၂၀၁၂ခုနှစ်မှာထွက်ရှိခဲ့တဲ့ မမဆုန်းဂျီဟိုရဲ့ ဟာသကားလေးတစ်ကားနဲ့ မိတ်ဆက်ပေးချင်ပါတယ်။ ဒီကားလေးမှာတော့ TVXQ, JYJ Member ဟောင်းတစ်ဦးဖြစ်တဲ့အပြင် Bad Memory Eraser ဇာတ်ကားထဲမှ Kim Jae-Joong, The Judge From Hellမှ Han Sang-Jin, Buried Hearts မှ Seo Dong-Wonတို့လည်း ပါဝင်ပါတယ်။ချွဲဟျွန်း ( Kim jae joong)ကတော့ နာမည်ကြီး အဆိုတော်တစ်ဦးပါ။ တစ်နေ့မှာတော့ လူတစ်ယောက်က ချွဲဟျွန်းကို သတ်ဖို့အတွက် ဘုံးမင်ဂျောင်း( Song Ji hyo)ကို ငှားခဲ့ပါတယ်။ အဲဒီအတွက်ကြောင့် ဘုံးမင်ဂျောင်းဟာ ချွဲဟျွန်းနောက်ကို နောက်ယောင်ခံလိုက်ရင်း Paradise Hotelကို ရောက်လာခဲ့ပါတော့တယ်။ သူ မသိခဲ့တာက အဲဒီHotelမှာ နာမည်ကြီး လူသတ်သမား ဂျက်ကယ်လ်ကို ဖမ်းဖို့အတွက် ရဲတွေက အသွင်ယူ စုံစမ်းနေကြတယ်ဆိုတာကိုပါပဲ။ လူသတ်ဖို့ကို ပထမဆုံး တာဝန်ယူဖူးတာဖြစ်သလို သူသတ်ရမဲ့ ချွဲဟျွန်းရဲ့ ပရိသတ်လည်းဖြစ်နေတဲ့ ဘုံးမင်ဂျောင်း တစ်ယောက် သူ့တာဝန်ကို ပြီးအောင်လုပ်ဆောင်နိုင်ပါ့မလားဆိုတာကို ဟာသလေးနှောပြီး ကြည့်ရှုခံစားရမှာပဲဖြစ်ပါတယ်။