နှစ်ပေါင်းများစွာကြာပြီးတဲ့နောက် မိခင်ဖြစ်သူ ပင်လယ်စောင့်နတ်သမီး သီးတစ်စ်ရဲ့ကူညီမှု၊ နတ်ဘုရားတို့ရဲ့ဘုရင် ဇူးနဲ့ ငရဲဘုံအစောင့် ဟေဒီးစ်တို့ကြား လျှို့ဝှက်ညှိနှိုင်းမှုတွေနဲ့ အာခီလီးစ်ဟာ မြေအောက်ကမ္ဘာကနေလက်ရှိခေတ်သစ် လူ့ကမ္ဘာဆီကို မထင်မှတ်ပဲရောက်ရှိလာခဲ့ပါတယ်။ ဒါပေမယ့် ခေတ်သစ်ကမ္ဘာကိုရောက်လာတဲ့ အာခီလီးစ်အတွက် အခြေအနေတွေက ရိုးရှင်းမနေပါဘူး။ သူရောက်လာတဲ့အချိန်မှာပဲ မြို့အနှံ့မှာ လူတွေကကျောက်ရုပ်တွေအဖြစ်ပြောင်းလဲပြီး ထိတ်လန့်တုန်လှုပ်နေတဲ့အမူအယာတွေနဲ့သေဆုံးနေကြတာကို တစ်သုတ်ပြီးတစ်သုတ်တွေ့ရှိလာရပါတယ်။ ဒီဖြစ်ရပ်ဆိုးတွေရဲ့နောက်မှာ ရှေးဟောင်းမိစ္ဆာစွမ်းအားတွေ ပါဝင်နေပြီး ဟိုးလွန်ခဲ့တဲ့နှစ်ပေါင်းများစွာကတည်းကနတ်ဘုရားတွေကြား မကျေတဲ့သွေးကြွေးတွေကိုခေတ်သစ်လူ့ကမ္ဘာထဲမှာရင်ဆိုင်ဖြေရှင်းရတော့မှာဖြစ်ပါတယ်။