D@bbe 5: Curse of the Jinn FHD

D@bbe 5: Curse of the Jinn

Horror FHD 2014-09-12 4.953 132 Min

ဇာတ်ကားရဲ့အစမှာ မိန်းမတစ်ယောက် ကလေးမွေးနေတဲ့အခန်းနဲ့ စထားတယ်။ဘေးမှာလည်း မိန်းမဖော်တွေအများကြီးနဲ့ပေါ့ ။ညွှစ်ထား ထွက်တော့မယ် အားတင်းထား စသဖြင့် အသံတွေဆူညံလို့။အဲ့အသံတွေကြားထဲမှာမှ ကိုယ်ဝန်သည်မိန်းမရဲ့ နာကျင်လွန်းလို့ အော်ညည်းသံကတော့ အကျယ်ဆုံးပဲ။သိပ်မကြာလိုက်ပါဘူး။ထွက်လာပြီဆိုတဲ့ ဝမ်းဆွဲသည်ရဲ့ အသံနဲ့အတူ ကလေးငိုသံလေးကိုကြားလိုက်ရတယ်။ကိုယ်ဝန်သည်မိန်းမဟာ ပင်ပန်းလွန်းလို့ခြေပစ်လက်ပစ်ပေါ့။အဲ့ဒီအချိန်မှာပဲ မွေးခန်းထဲကို လူတွေသုတ်သုတ်ပြာပြာ ဝင်လာတယ်။ပေး ပေး ဆိုပြီး ဝမ်းဆွဲသည်ဆီကကလေးကို လုသွားတယ်။ပင်ပန်းလွန်းလို့လှဲနေတဲ့ကလေးမိခင်ဟာ ထိတ်ထိတ်ပြာပြာနဲ့ခေါင်းထောင်လာတယ်။ရှင်တို့ ဘယ်သူတွေလဲ ကျွန်မကလေးကိုဘယ်ခေါ်သွားကြမလို့လဲ မလုပ်ကြပါနဲ့ စသဖြင့် တစာစာအော်လို့။ဒါပေမယ့် ဟိုလူတွေကတော့ ဂရုမစိုက်ပါဘူး။ခုမှမွေးထားတဲ့ကလေးကိုသွေးနုသားနုမိခင်ဆီက ရက်ရက်စက်စက်ပဲ ခေါ်ယူသွားကြတယ်။ဝမ်းဆွဲသည်တွေကလည်း ဟိုလူတွေကို တားရမယ့်အစားကလေးမိခင်ကိုပဲ ဝိုင်းချုပ်ထားကြတယ်။ နောက်တစ်ခန်းမှာတော့အိုမာ နဲ့ ဒီလေ့ဆိုတဲ့ စုံတွဲတစ်တွဲရဲ့ အိမ်ကိုပြတယ်။အခုတလောမှာဒီလေ့ဟာ ညဘက်ဆို အိပ်မက်ဆိုးတွေ မက်လာတယ်။သူ့အိပ်မက်ထဲမှာလူတစ်စုက ကလေးတစ်ယောက်ကို မိခင်ဆီက လုသွားတဲ့ ပုံရိပ်တွေကိုထပ်ခါထပ်ခါမြင်နေတယ်။နောက်တော့ ဒီလေ့ဟာ ဒီစိတ်နဲ့ပဲကျန်းမာရေးချို့ယွင်းလာတယ်။မမြင်သင့်တာတွေကို မြင်လာရတယ်။သူ့ယောကျ်ား အိုမာကတော့ ဒီလေ့ကို စိတ်ရောဂါဆရာဝန်နဲ့ ပြချင်တယ်။ဒါပေမယ့် ဒီလေ့ရဲ့ သူငယ်ချင်း စုံတွဲကတော့ ဒီကိစ္စကို ပယောဂဆရာနဲ့ပြကြည့်ဖို့ အကြံပေးတယ်။ ဒီလေ့ဟာ အဲ့ဒီအိပ်မက်တွေကို ဘာလို့မက်နေတာလဲ။အဲ့ဒီအဖြစ်အပျက်ဟာရော ဒီလေ့နဲ့ ဘယ်လို ပက်သက်နေသလဲ။အိုမာထင်သလိုမျိုး ပင်ပန်းလွန်းလို့ စိတ်ဂယောက်ဂယက်ဖြစ်တာလား။ဒါမှမဟုတ် တကယ်ပဲ ပယောဂလား။(သရဲကားဆိုမှတော့ သရဲပဲပေါ့နော့် :3)ကျွန်တော်ပြန်ရတဲ့ Dabbe ကားတွေကို Ratting ပေးရရင် ဒီကောင်ကနံပါတ်(၂)မှာ ချိတ်တယ်။ သရဲကားဆိုတာထက် လျှို့ဝှက်သဲဖိုဘက်ပိုသွားတယ်။မထင်ထားတဲ့ လှည့်ကွက်တွေများတယ်။ကြောက်လည်းကြောက် စိတ်လည်းစိတ်ဝင်စားနဲ့ ကြည့်ရမယ့် ကားမျိုးမို့ညွှန်းပေးချင်ပါတယ်။ IMDB မှာတော့ 5.9 ရထားပါတယ်။