Cowboy ကားကြိုက်တဲ့သူတွေအတွက် ကောင်းဘွိုင်လိုစွန့်စားခန်းရော ဘောက်ဆင်ထိုးတာပါ ပါတဲ့ Country ကားပါ။ဒက်ခ်ျနဲ့ဝေကိုတို့နှစ်ယောက်က ဆုငွေကြေညာထားတဲ့ လူဆိုးတွေကို လိုက်ဖမ်းတဲ့ ဆုကြေးမုဆိုးတွေဖြစ်ပြီး ကြေးကြီးကြီးရမယ့် လူဆိုးနောက်လိုက်ရင်း မြို့လေးတစ်မြို့ကိုရောက်လာပါတယ်။ မြို့လေးကရွှေထွက်ပေမဲ့ ရဲမှူးနဲ့ပေါင်းပြီး လက်ဝါးကြီးအုပ်ထားတဲ့ မိုင်းသူဌေးကြောင့် မြို့သားတွေ ဘာမှမရတဲ့အပြင် မြို့ကပါ အကြွေးထဲနစ်နေပါတယ်။ဝေကိုတို့ ပစ်ဖမ်းလာတဲ့လူဆိုးအတွက်ဆုငွေကိုလည်းမပေးသေးဘဲ ရွှေ့ဆိုင်းထားတဲ့အတွက် သောင်တင်နေရင်း ဒီမြို့ကို မွေးစားဖို့ရထားနဲ့ပို့လိုက်တဲ့ ကလေးတွေအခြေအနေသိရအောင် လာစုံစမ်းတဲ့ မိန်းကလေးနဲ့ ဆုံပါလေရော။မိဘမဲ့ကလေးတွေနဲ့ မိုင်းသူဌေးဘယ်လိုပတ်သက်နေတာလဲ… သူ့လုပ်ရပ်တွေ သိသွားတဲ့အခါ လူယုတ်မာတွေလက်ကနေ မြို့လေးကို ဘယ်လိုကယ်တင်မလဲဆိုတာ ဆက်အားပေးလိုက်ကြပါ။