ဒီဇာတ်လမ်းလေးကတော့ ကလေးတွေအတွက် ဘယ်တော့မှမရိုးနိုင်တဲ့ ဘာဘီဇာတ်ကားလေးပဲဖြစ်ပြီး ခရစ္စမတ်themeနဲ့ရိုက်ကူးထားတာပဲ ဖြစ်ပါတယ်။ ဇာတ်လမ်းအကျဉ်းကတော့ခရစ္စမတ်အကြိုညနေခင်း ရန်ပုံငွေကပွဲကို သွားရမယ့် ဘာဘီမင်းသမီးလေးဟာ ညီမဖြစ်သူရဲ့ ကပွဲကိုမလိုက်ချင်ဘူးဆိုတဲ့ဂျီတိုက်မှုကြောင့် ပုံပြင်တစ်ပုဒ်နဲ့ ချော့ဖို့ဖြစ်လာပါတယ်။ဘာဘီပြောပြလိုက်တဲ့ ပုံပြင်ကတော့ ခရစ္စမတ်ရဲ့နာမည်ကျော်ပုံပြင်တစ်ပုဒ်ဖြစ်တဲ့ခရစ္စမတ်ရဲ့တစ္ဆေ၃ကောင်ဆိုတဲ့ ပုံပြင်ပါ။အဲဒီပုံပြင်ကို ဘာဘီမင်းသမီးရဲ့ဇာတ်လမ်းအဖြစ် ဘယ်လိုမျိုးဆန်းသစ်ထားမလဲ၊ ကလေးတို့အတွက် ဘယ်လိုသင်ခန်းစာမျိုးပေးစွမ်းသွားမလဲဆိုတာ ကြည့်ရှုရမှာပါ။