ဆွီဒင် အက်ရှင်စုံထောက်ဇာတ်ကားတွေဖြစ်တဲ့ Johan Falk ရုပ်ရှင်တွေရဲ့ ၂၀၁၅ မှာထွက်ရှိခဲ့တဲ့ ဒီဇာတ်ကားက Imdb rating မှာ ၇.၂ ထားပြီး ဆွီဒင်စကားပြောရုပ်ရှင်ဖြစ်ပါတယ်။အဓိကဇာတ်လိုက်ဖြစ်တဲ့ Johan Falk နဲ့ GSI အဖွဲ့ကိုပဲ အခြေတည်ထားတာဖြစ်ပြီး တစ်နှစ်ထဲထွက်ရှိခဲ့တဲ့ Johan Falk : Blood Diamonds နဲ့ အဓိကဆက်စပ်နေပါတယ်။ဇာတ်လမ်းအကျဉ်းကတော့ ဂိုသင်ဘတ်မြို့က ရဲစခန်းတစ်ခုမှာ လူသတ်မှုဖြစ်သွားပြီး ရဲစခန်းတစ်ခုလုံးကို လော့ဒေါင်းချပြီး တရားခံကိုပိတ်ဆို့ဖမ်းဆီးရပါတယ်။ သေဆုံးသူက GSI ရဲ့ အဖွဲ့အကြီးအကဲဟောင်းဖြစ်သူ Patrik ဖြစ်ပြီး Johan Falk ရဲ့ မိတ်ဆွေလည်းဖြစ်ပါတယ်။ သတ်သူကလည်း ရဲအရာရှိတစ်ဦးဖြစ်နေပြီး သူ့ကိုစေခိုင်းသူ ဘယ်သူလဲဆိုတာနဲ့ နောက်ကွယ်က ကြိုးကိုင်သူကို Johan နဲ့ GSI အဖွဲ့သားတို့ရှာဖွေဖော်ထုတ်ရပုံကို တင်ဆက်ထားပါတယ်။များပြားလှတဲ့ Johan Falk ဇာတ်ကားတွေထဲက တစ်ခုဖြစ်ပြီး Action ဖက်ထက် စုံထောက် Mystery ဖက်ကို ကိုအသားပေးထားပါတယ်။ ကြည့်နေကျ အမေရိကန်စုံထောက်ဇာတ်လမ်းတွေနဲ့မတူတဲ့ ဥရောပဇာတ်ကားလေးဖြစ်ပါတယ်။ ဇာတ်အိမ်က ရှုပ်ထွေးနေတာမျိုးမရှိပေမဲ့ အရင် Johan Falk ဇာတ်ကားတွေကြည့်ထားရင် ပိုအဆင်ပြေပါလိမ့်မယ်။