ဇာတ်လမ်းရဲ့အစမှာတော့ စုံထောက်၀ီလီယမ်နဲ့အဖွဲ့ သူတို့မြို့ပေါ်မှာ ရုပ်ပျက်ဆင်းပျက်ဖြစ်တဲ့ထိ ရိုက်နှက်သတ်ဖြတ်ထားတဲ့ လူသတ်မှုတွေရဲ့ တရားခံမပေါ်ဖြစ်နေတာကြောင့် စိတ်တွေညစ်နေကြပါတယ်။တစ်ဖက်မှာလည်း ဟန်နရီအာဒမ်ဆိုတဲ့တစ်ယောက်ဟာ ငယ်စဥ်ကတည်းက အရှက်အကြောက်ကြီးတာကြောင့် လူတွေနဲ့ ဆက်ဆံရမှာ အခက်တွေ့တဲ့အပြင် လုပ်ဖော်ကိုင်ဖက်ကပါ လှောင်ပြောင်နေတာကြောင့် သူ့ရဲ့အရှက်အကြောက်ကြီးတဲ့စိတ်ကို ပြင်ဖို့ကြိုးစားရင်း အဖွဲ့တစ်ဖွဲ့ရဲ့ကမ်းလှမ်းမှုကိုလက်ခံလိုက်ပါတယ်။ သူတွေးထားတာထက်ပိုပြီးနက်နဲတဲ့ရည်ရွယ်ချက်ကြီးတစ်ခု အဲဒီအဖွဲ့အစည်းနောက်မှာရှိနေတာကို မသိတဲ့ ဟန်နရီတစ်ယောက် တွေ့ဆုံမှုအပြီး ဘယ်လိုတွေပြောင်းလဲသွားလဲ… လူသတ်မှုတွေနဲ့ အဖွဲ့အစည်းနဲ့ကရော ဘယ်လိုတွေပတ်သက်နေလဲ… ဆိုတာကို သည်းထိတ်ရင်ဖို ကြည့်ရှုရမယ့်ကားလေးပဲဖြစ်ပါတယ်။