တစ်မြို့လုံးကို အိပ်ငွေ့ချပြီး မိန်းကလေးတွေကို ချက်ချင်းဗိုက်ကြီးသွားစေတဲ့ လက်သည်က ဘယ်သူလဲ???ဒီသိပ္ပံစိတ်ကူးယဉ် ဇာတ်လမ်းတွဲလေးကတော့ စာရေးဆရာ John Wyndham ရဲ့ The Midwich Cuckoos ဆိုတဲ့ စာအုပ်ကို ဒါရိုက်တာ David Furr က ပြန်လည်ရိုက်ကူးတင်ဆက်ထားခြင်း ဖြစ်ပါတယ်။ဇာတ်လမ်းအကျဉ်းကတော့ အပေါ်ကအတိုင်းပါပဲ။ အင်္ဂလန်က ကျေးလက်နယ်မြို့ကလေးတစ်ခုမှာ ထူးဆန်းတဲ့ရောင်ခြည်စက်ကွင်းတစ်ခု လွမ်းခြုံသွားပြီးနောက် တစ်မြို့လုံးက သတိလစ် လဲကျပြီးအိပ်မောကျသွားပါတော့တယ်။အကြောင်းတိုက်ဆိုင်လို့ မြို့ပြင်ရောက်နေတဲ့လူတွေကလည်း မြို့ထဲမှာ ကျန်ခဲ့တဲ့ ဇနီးမယား သားသမီးတွေကို ဆက်သွယ်ချင်ပေမဲ့ ဖုန်းဆက်လည်းမရ စာပို့လည်းမရတော့ပါဘူး။ စစ်ဘက်နဲ့ ရဲဘက်ဆိုင်ရာအရေးပေါ်တပ်ဖွဲ့တွေလည်း ရောက်ရှိလာပြီး စုံစမ်းပေမဲ့ မြို့ကိုလွမ်းခြုံထားတဲ့ မမြင်ရတဲ့ စက်ကွင်းကို ဖြတ်ကျော်သွားတာနဲ့ သတိလစ်သွားလို့ အရာမရောက်ဖြစ်နေကြပါတယ်။ ၁၂ နာရီအကြာမှာတော့မြို့ထဲကလူတွေက ပြန်နိုးလာပြီး စက်ကွင်းလည်း မရှိတော့ပေမဲ့ မြို့ထဲက အမျိုးသမီးအများစုမှာတော့ ထူးဆန်းစွာပဲ ဗိုက်ကြီးသွားပါတော့တယ်။ဒီတော့ ဒါက ဘယ်လိုဖြစ်ရပ်ဆန်းမျိုးလဲ၊ တစ်ပွဲတစ်လမ်း အကဲစမ်းသွားတာက ဂြိုဟ်သားတွေလား ဘယ်သူတွေလဲဆိုတာကို စိတ်ဝင်စားဖွယ် ကြည့်ရှုရမှာဖြစ်ပါတယ်။