Disney+ ကနေ အသစ်ပြသလာတဲ့ Horror, Mystery Series အသစ်ကို တင်ဆက်ပေးလိုက်ပါတယ်။ စုစုပေါင်း(၈)ပိုင်း တစ်ပြိုင်တည်းထွက်ရှိထားပြီး လူငယ်ကြိုက်စီးရီးမျိုးဖြစ်တာမို့ လက်မလွှတ်စေရအောင်တင်ဆက်ပေးလိုက်ပါပြီ။ လွန်ခဲ့တဲ့ ရှစ်နှစ်က Cabo Qwert မှာ ပျောက်ဆုံးသွားတဲ့ မိဘတွေကို ရှာဖွေဖို့ သားဖြစ်သူ အဲရစ် ဒါလာရစ်က သူ့ရဲ့ဇာတိမြို့ကို ပြန်သွားရာကနေ အစချီထားပါတယ်။ တစ်မြို့လုံးကလူတွေက သူ့မိဘတွေရဲ့ ပျောက်ဆုံးမှုကို ရေရေရာရာမသိဘဲ သူ့မိဘ တွေက သူတို့တည်ထောင်ခဲ့တဲ့ ကစားကွင်းကို ကျိန်စာသင့်အောင် လုပ်ခဲ့တာဆိုပြီး လည်း ပြောဆိုနေကြပါတယ်။ အဲရစ်အနေနဲ့ သူ့မိဘတွေကို ဆုံးသွားပြီလို့ မထင်ဘဲ တစ်နေရာရာမှာရှိမယ်လို့ ယုံကြည်ပြီး အမှန်တရားတစ်ခုကို ရှာဖွေဖို့ ကြိုးစားပါတော့တယ်။