Marie Antoinette FHD

Marie Antoinette

Drama War & Politics FHD 2022-10-31 7.7

အရင်ခေတ်အခါတွေတုန်းက တစ်နိုင်ငံနဲ့ တစ်နိုင်ငံ မဟာမိတ်ဖွဲ့ကြပြီဆိုရင် အိမ်ရှေ့စံသားတော်ရှိထားတဲ့ နိုင်ငံဆီကို သမီးတော်ဖွားမြင်ထားတဲ့ နိုင်ငံက စေလွှတ်ပေးရတာ ဓမ္မတာတစ်ခုပါ။ အဲဒီလိုတော်ဝင်ထိမ်းမြားမှုတွေကနေ ဆက်ခံသူမျိုးဆက်ကို ဖွားမြင်ပေးရတာကလည်း သမိုင်းပေးတာဝန်တစ်ခုလိုပါပဲ။ မျိုးဆက်ဖွားမြင်နိုင်ရင်တော့ မဟာမိတ်ချစ်ကြည်ရေး အောင်မြင်သွားပြီလို့ ဆိုကြပြီး မဖွားမြင်နိုင်ခဲ့ရင်တော့ ကြင်ယာတော်တွေရဲ့ ဘဝက ရှင်လျက်နဲ့ သေဆုံးရတဲ့ ဘဝတွေပါ။ဩစတြီးယားဧကရီဘုရင်မရဲ့ သမီးတော်တစ်ပါးဖြစ်တဲ့ အသက်၁၄ နှစ်အရွယ် မင်းသမီးလေး ထွိုင်နိထ်ဟာ ပြင်သစ်နိုင်ငံနဲ့ ဩစတြီးယားနိုင်ငံတို့ မဟာမိတ်ချစ်ကြည်ရေးအတွက် ပြင်သစ်အိမ်ရှေ့စံ လူးဝစ်နဲ့ လက်ဆက်ဖို့ စေလွှတ်ခံခဲ့ရပါတယ်။ ကလေးစိတ်တောင်မကုန်သေးတဲ့ ကြင်ယာတော်လေးအတွက် ဗာစိုင်းလ်နန်းတော်ကြီးက သားရဲတွင်းတစ်ခုလိုပါပဲ။ နန်းတော်ထဲမှာ ဘယ်သူ့ကိုမှ ယုံကြည်လို့မရတဲ့အပြင် လက်ဆက်ထားရတဲ့ အိမ်ရှေ့စံကလည်း တေမိမင်းသားမို့ သူ့ရဲ့မျိုးဆက်ဖွားမြင်ရေးတာဝန်ကို ထမ်းဆောင်ဖို့ကလည်း လှော်တက်မရှိတဲ့ လှေငယ်တစ်စင်းလိုမျိုးပေါ့။ဒီတော့ လျင်သူစားစတမ်းဆိုသလို ကိုယ့်ဘက်က ခြေတစ်လှမ်းနောက်ကျတာနဲ့ ရန်သူက သရဖူဆောင်းသွားနိုင်တဲ့ အခြေအနေမျိုးတွေမှာ ကြင်ယာတော်ငယ်လေး ဘယ်လိုဖြတ်ကျော်သွားမလဲဆိုတာကို ကျွန်တော်တို့အတူတူ လိုက်ပါစီးမြောကြည့်လိုက်ရအောင်ပါ။ ကျွန်တော်အာမခံပေးနိုင်တာကတော့ ဒီစီးရီးအတွက်နောင်တတရားဆိုတာက ရှိမလာနိုင်တဲ့အရာတစ်ခုပါပဲ။