အားလုံးရဲ့အချစ်တော် အတွင်းရေးမှူးမလေးအဖြစ် လူသိများကြတဲ့ Unnie Park Min Young ရဲ့ ထူးထူးခြားခြား ကားသစ်လေး ထွက်ရှိလာပါပြီ။ Unnie ကတော့ ထူးခြားပြီး ချစ်စရာကောင်းတဲ့ character တွေကို သရုပ်ဆောင်နေကျအတိုင်းပဲ ဒီကားလေးမှာလည်း Single ဘဝကို ပြီးပြည့်စုံစွာ ဖြတ်သန်းချင်သူတွေအတွက် Partner အဖြစ် ဝန်ဆောင်မှုပေးတဲ့ ထူးခြားထက်မြက်တဲ့ character (Choi Sang Eun)အဖြစ် သရုပ်ဆောင်သွားမှာပါ။ လောကကြီးမှာ ရှင်သန်ရင်းနဲ့ “ဇနီးသည်” တစ်ယောက် လိုအပ်တဲ့ အခိုက်အတန့်တွေ ရှိတတ်ပါတယ်တဲ့။ ပြောရရင် ကျောင်းသားဟောင်းပြန်လည်တွေ့ဆုံပွဲတွေ၊ အိမ်ထောင်သည်သူငယ်ချင်းတွေ တွေ့ဆုံပွဲလုပ်တဲ့အခါမျိုးတွေမှာပေါ့။ အဲဒါကိုသိတဲ့ Choi Sang Eun က Partner အဖြစ် service ပေးတဲ့အလုပ်ကို စလုပ်လိုက်ပြီးတော့ client တွေနဲ့ စာချုပ်ချုပ်ဆိုပါတယ်။ အဲဒီထဲကမှ တစ်ခုက Jung Ji Ho နဲ့ ၅ နှစ် စာချုပ်ချုပ်ဆိုပြီး အပတ်စဉ် တနင်္လာ၊ ဗုဒ္ဓဟူး၊ သောကြာနေ့တွေမှာ service ပေးရမှာ ဖြစ်ပါတယ်။