Billionaires' Bunker FHD

Billionaires' Bunker

"Billionaires' Bunker" (El refugio atómico) ကတော့ ၂၀၂၅ ခုနှစ်မှာ Netflix ကပြသခဲ့တဲ့ စပိန်ဘာသာနဲ့ရိုက်ကူးထားတဲ့ ရုပ်သံဇာတ်လမ်းတွဲတစ်ခုဖြစ်ပါတယ်။ ဒီဇာတ်လမ်းတွဲမှာဆိုရင် အဏုမြူသုံး ကမ္ဘာစစ်ပွဲအတွင်း လူချမ်းသာများ စစ်ဘေးဒဏ်မှ ရှောင်ပုန်းကြပုံကို လှည့်ကွက်များနဲ့ ရိုက်ကူးတင်ဆက်ထားတာဖြစ်ပါတယ်....Money Heist ကိုဖန်တီးခဲ့သူ နှစ်ယောက်ဖြစ်တဲ့ Esther Martinez Lovato နဲ့ Alex Pina တို့ပူးပေါင်းဖန်တီးထားတဲ့ ဇာတ်လမ်းတွဲဖြစ်လို့ ကွဲပြားတဲ့အိုင်ဒီယာအဆန်းများကို မြင်တွေ့နိုင်မှာဖြစ်ပါတယ်မာ့စ်ဟာ လူချမ်းသာအသိုင်းအဝိုင်းက ပေါက်ဖွားလာသူတစ်ယောက်ဖြစ်ပါတယ်...ချစ်သူမိန်းကလေးနှင့်အတူ ပျော်ပါးသွားလာရင်းဘဝကို မိုင်ကုန်မောင်းနှင်နေချိန်မှာပဲ ယာဉ်မတော်တဆမှုဖြစ်ပြီး ထောင်ကျခဲ့ကာ ဘဝတစ်ဆစ်ချိုး ပြောင်းလဲခဲ့ပါတယ်...လူချမ်းသာအသိုင်းအဝိုင်းကဖြစ်ပြီး ဆေးသမား အရက်သမားတစ်ယောက်ဖြစ်သူ မာ့စ်ဟာ ထောင်ထဲမှာတော့ဝိုင်းဝန်းနှိပ်စက်တဲ့ ဒဏ်ကို အလူးအလဲခံရကာ ငွေနဲ့ဖြေရှင်းလို့မရတော့တဲ့အထိ ဖြစ်လာခဲ့ပါတယ်..နောက်ဆုံးမှာတော့ မာ့စ်တစ်ယောက် လောကဓံကို မာမာထန်ထန် ပြန်ရင်ဆိုင်ဖို့ဆုံးဖြတ်ခဲ့ပြီး နှိပ်စက်သူတွေကိုပြန်စိန်ခေါ်ကာ ထိုးသတ်ရင်း ထောင်သားတွေ လေးစားရသူ ပြန်ဖြစ်သွားခဲ့ပါတယ်..မာ့စ်တစ်ယောက် ထောင်ကျနေစဉ်အတွင်းမှာ အဏုမြူလက်နက်များ အသုံးချတော့မဲ့ ကမ္ဘာစစ်မီးဟာ တောက်လောင်ဖို့ အားယူလျက်ရှိနေခဲ့ပါတယ်...ထိုအားယူလျက်ရှိတဲ့ စစ်မီးကိုရှောင်ကွင်းဖို့ မာ့စ်တစ်ယောက် ထောင်ကထွက်ထွက်ချင်း လွတ်လပ်မှုအဆင့်မြင့်ဇိမ်ခံ Bunker တစ်ခုဆီ သွားရဖို့ဖြစ်လာတဲ့အခါမှာတော့…