FHD
Wistoria: Wand and Sword 杖と剣のウィストリア
ကိုယ်ပိုင်အမြင်အရ 2024 ရဲ့ အသစ်ထွက် Anime စီးရီးအနေနဲ့ဆို Kaiju No 8 တို့ Ninja Kamui တို့ Solo Leveling တို့ Yatagarasu တို့နဲ့တန်းမတူရင်တောင် ဇာတ်လမ်းက Potential ရှိတယ် Action ခန်းတွေ Animation တော်တော်ကောင်းတယ် သေသပ်ချောမွေ့တယ်ပြောရမယ်ဒါကြောင့် Watchlist ထဲ ထည့်ထားပြီး ကြည့်သင့်တဲ့ထဲမှာ ပါတယ်လို့ ထင်မိပါတယ်။တန်းမတူဘူးဆိုတာလည်း ၁၂ ပိုင်းပဲ ထွက်ပြီး ဇာတ်လမ်းကို ပျိုးနေလို့ ပြီးခါနီးမှ အရှိန်တက်နေတာကို ဖီးလ်ကျဲသွားတာလည်း ပါတာပေါ့။ဒါပေမဲ့လည်း S1 ပြီးကတည်းက S2 လာမယ်ဆိုတာကို Production ကြေငြာပြီးသား ဖြစ်တာကြောင့် နောက်ထပ် သိပ်မစောင့်ရလောက်ဘူးလို့ မြင်မိပါတယ်။ဇာတ်လမ်းကတော့ မှော်ပညာတွေ စိုးမိုးတဲ့ကမ္ဘာတစ်ခု၊ အရင်တုန်းက မကောင်းဆိုးဝါးကြီးကို မောင်းထုတ်ခဲ့ပြီးစွမ်းအားရှိတဲ့ မှော်ဆရာကြီးတွေက ကောင်းကင်မှာ အကာအရံကြီးတစ်ခုဖန်တီး မျှော်စင်တစ်ခုတည်ဆောက်ပြီး ကပ်ဘေးဒုက္ခတွေကို ကာကွယ်စောင့်ရှောက်ပေးနေတာပေါ့။အောက်က မြို့တော်မှာကျ မှော်အကယ်ဒမီကျောင်းတစ်ခု ရှိတယ်၊ မှော်ဆရာလူငယ်လေးတွေက ၆ နှစ်ကာလတက်မယ်သတ်မှတ်ထားတဲ့အမှတ်နဲ့ ကျော်လွန်ရင် မျှော်စင်က အထက်အဖွဲ့အစည်းကို ရောက်မယ်။ဒါပေမဲ့ ၆ နှစ်မတက်ပဲ ကိုယ်ပိုင် မှော်အစွမ်းတစ်ခု ဖန်တီးနိုင်ခဲ့မယ်ဆိုရင် အဆင့်ကျော်ပြီး မျှော်စင်ကို တစ်ခါတည်း တန်းရောက်နိုင်တာမျိုး ရှိတဲ့အပြင်အဆင့်အမြင့်ဆုံး Magia Vander ဆိုတာလည်း ရှိသေး။ထားပါ ဒီလိုမျိုး မှော်ပညာသာ အရာရာဆိုတဲ့ကမ္ဘာမှာ Will ဆိုတဲ့ ချာတိတ်လေးက မှော်ပညာ မသုံးနိုင်ပါဘူးဒါပေမဲ့ ကိုယ့်ဆရာက လက်မလျှော့ပါဘူး မှော်ကြိမ်လုံးအစား ဓားတစ်လက်ဆွဲကိုင်ပြီး သူလိုချင်တဲ့ ပန်းတိုင် ရည်မှန်းချက်ကို အခက်အခဲတွေကြားကနေဘယ်လိုရောက်အောင်သွားမလဲဆိုတာကို Animation အလန်းတွေနဲ့ ကြည့်ရှုရမှာပါ။မှော်ကမ္ဘာမှာ မှော်ပညာမသုံးနိုင်ဘူးဆိုတော့ Mashle တော့ ပြေးသတိရမလို ဖြစ်ပါသေးတယ်။ဒါပေမဲ့ Mashle နဲ့ သိပ်မတူပါဘူး ဒီကောင်က နည်းနည်း Serious ပို ဖြစ်ပါတယ်။အစပိုင်းသာ ကျောင်းပွဲတွေ ဘာတွေနဲ့ နောက်ကျတော့ ဇာတ်လမ်းမြုပ်ကွက်ကို တဖြည်းဖြည်း ထုတ်လာတာမို့ S2 ကျရင်တော့ ပိုမြိုင်မယ့်သဘောရှိပါတယ်။၁၂ ပိုင်းတည်းမို့ တစ်ခါတည်း ဆက်တိုက်သာ အားပေးလိုက်ကြပါတော့ဗျာ။