ဆိုးလ်မြို့ကနေ နယ်မြို့လေးကို ရာထူးချခံလိုက်ရတဲ့ စုံထောက် ဂန်ထယ်ဂျူ (Park Hae Soo) ဟာ ရှုပ်ထွေးလှတဲ့ လောကထဲကနေ အနားယူပြီး အေးအေးချမ်းချမ်း နေထိုင်နေသူပါ။ ဒါပေမဲ့ တစ်နေ့မှာတော့ ထောင်ထဲက ကွင်းဆက်လူသတ်သမားတစ်ဦးက ထယ်ဂျူကို အမှုစစ်ဆေးပေးဖို့ တောင်းဆိုလာပါတယ်။ထယ်ဂျူဟာ လွန်ခဲ့တဲ့ ၃၃ နှစ်က သူစွန့်ခွာခဲ့တဲ့ အမှုဟောင်းတွေကြားထဲ ပြန်ရောက်သွားပြီးအတိတ်က ရန်ကြွေးရှိခဲ့ဖူးတဲ့ အမှုစစ် ချာရှီယောင်း (Lee Hee Joon) နဲ့ အတူတူ ပူးပေါင်းပြီးတော့ အမှန်တရားကို ရှာဖွေဖို့ ဖြစ်လာခဲ့ပါတယ် .. ။ နှစ်ပေါင်းများစွာ ကြာခဲ့ပြီဖြစ်တဲ့ Cold Case တွေရဲ့ ထုံးစံအတိုင်း အမှန်တရားဟာ ထင်သလောက် မရိုးရှင်းပါဘူး။ "Scarecrow" (စာခြောက်ရုပ်) လူသတ်မှုတွေရဲ့ နောက်ကွယ်မှာထယ်ဂျူကိုယ်တိုင်တောင် မထင်မှတ်ထားတဲ့ လျှို့ဝှက်ချက်တွေ ရှိနေတဲ့အခါ...သူက ဒီလူသတ်မှုကြီးကို အဆုံးသတ်နိုင်မယ့်သူ ဖြစ်လာမလား ..ဒါမှမဟုတ် ပေါ်ထွက်လာမယ့် လှည့်ကွက်အသစ်တွေကြားမှာပဲ သူ့ဘဝတစ်ခုလုံး ပျက်စီးသွားမလားဆိုတာ ရင်တထိတ်ထိတ်နဲ့ မျက်တောင်မခတ်တမ်း ကြည့်ရှုခံစားရမှာဖြစ်ပါတယ်။