ဒီစီးရီးလေးကတော့ နာမည်ကြီးစပိန်အဆိုတော်၊ သရုပ်ဆောင် Miguel Bose ရဲ့ ဘဝအကြောင်းကို ရိုက်ပြထားတဲ့ biography series ပဲဖြစ်ပါတယ်။ Miguel Bose က ၁၉၇၀နဲ့ ၁၉၈၀ ဝန်းကျင်ခုနှစ်တွေမှာ အီတလီ၊ စပိန်နဲ့ လက်တင်အမေရိက နိုင်ငံတွေမှာ ဆယ်ကျော်သက် အဆိုတော်တစ်ယောက်အနေနဲ့ ရေပန်းစားခဲ့ပြီး အနုပညာသက်တမ်းကြာလာတဲ့အခါမှာလည်း ဂန္ထဝင်မြောက်အဆိုတော်တစ်ဦးအနေနဲ့ အောင်မြင်စွာ ရပ်တည်နေနိုင်တဲ့သူ ဖြစ်ပါတယ်။ သူက သရုပ်ဆောင်အနေနဲ့ အနုပညာလောကထဲကို စဝင်လာပြီးတော့ ရုပ်ရှင်တွေ များစွာမှာ ပါဝင်သရုပ်ဆောင်ခဲ့တဲ့အပြင် ဂီတဘက်မှာလည်း လက်တင်ဂရမ်မီဆုပေါင်း 14 ဆုထိ ဆွတ်ခူးနိုင်ခဲ့တဲ့အထိ အောင်မြင်မှုရခဲ့တာဖြစ်ပါတယ်။ သူ သရုပ်ဆောင်တစ်ယောက်ဖြစ်လာပုံကနေစပြီးတော့ အဆိုတော်ဖြစ်ဖို့ အကြောင်းဖန်လာပုံတွေ အပါအဝင် ဘဝတစ်လျှောက် ကြုံတွေ့ခဲ့ရတဲ့အခြေအနေအားလုံးကို ဒီစီးရီးထဲမှာ ကြည့်ရှုခံစားနိုင်မှာဖြစ်ပါတယ်