Blodsoffer FHD

Blodsoffer

Crime Drama Mystery FHD 2026-08-20 6.625

ဒီဇာတ်လမ်းတွဲကတော့ Nordic Noir, Crime Mystery နဲ့ Psychological Thriller အမျိုးအစား ဆွီဒင်သည်းထိတ်ရင်ဖို  ဇာတ်လမ်းတွဲပဲ ဖြစ်ပါတယ်။ Lupin နဲ့ Hijack စီးရီးတွေရဲ့ဖန်တီးရှင် George Kay က ရေးသားဖန်တီးထားပြီး The Killing ဒါရိုက်တာ Kristoffer Nyholm က ရိုက်ကူးတင်ဆက်ထားကာ သရုပ်ဆောင်တွေအဖြစ် Jakob Oftebro, PeterAndersson, Henrik Norlén, Irina Björklund နဲ့ Alexander Abdallah တို့က အဓိက ပါဝင်သရုပ်ဆောင်ထားကြပါတယ်။ဇာတ်လမ်းကတော့ စတော့ဟုမ်းမြို့တော်ရဲ့ တိတ်ဆိတ်အေးချမ်းလှတဲ့ နွေရာသီကာလဆီကနေ စတာပါ။ ညဘက် အရေးပေါ်အကူအညီတောင်းခံတဲ့ ဖုန်းခေါ်ဆိုမှုတစ်ခုဆီထွက်ခွာသွားခဲ့တဲ့ ကင်းလှည့်ရဲအရာရှိနှစ်ယောက် နောက်တစ်နေ့မနက်မှာ ရက်ရက်စက်စက် အသတ်ခံထားရတဲ့ အလောင်းတွေအဖြစ် ပြန်လည်တွေ့ရှိရာကနေ စတင်လှုပ်ရှားလာပါတယ်။ရဲတပ်ဖွဲ့အကြီးအကဲတွေဟာ အဖွဲ့အစည်းတွင်း ထိတ်လန့်တုန်လှုပ်မှု မဖြစ်စေဖို့အတွက် လူသတ်မှုစုံစမ်းစစ်ဆေးရေးမှူး Thomas Berg (Jakob Oftebro) ကို တာဝန်ပေးပြီးအမှုအချက်အလက်တွေကို အလွန်ကျဉ်းမြောင်းတဲ့ အသိုင်းအဝိုင်းထဲမှာပဲ လျှို့ဝှက်စုံစမ်းဖို့ အမိန့်ပေးပါတော့တယ်။ရဲတပ်ဖွဲ့ဝင်တွေကို ရည်ရွယ်ချက်ရှိရှိ ပစ်မှတ်ထားပြီး ထောင်ချောက်ဆင် သတ်ဖြတ်နေတဲ့ သွေးဆာနေသော လူသတ်သမားကို အချိန်မီ ဖော်ထုတ်နိုင်ဖို့အတွက် Thomas ဟာစိတ်ဒဏ်ရာတွေ၊ အရက်စွဲမှုတွေကြောင့် အရင်က နာမည်ပျက်ပြီး အဆက်အသွယ်ပြတ်နေခဲ့တဲ့ ရဲဟောင်းကြီးဖြစ်သူ ဖခင် Alfred (Peter Andersson) ဆီ မဖြစ်မနေအကူအညီတောင်းခံရပါတော့တယ်။ အတိတ်က နာကျင်စရာ မိသားစု အမုန်းတရားတွေကို ဘေးဖယ်ထားရင်း နောက်ထပ် ရဲတပ်ဖွဲ့ဝင်တွေ သတ်ဖြတ်မခံရခင် အချိန်လုပြီးလူသတ်သမားရဲ့ခြေရာကို အပြင်းအထန် လိုက်လံဖော်ထုတ်ရမယ့် သည်းထိတ်ရင်ဖို မှုခင်းစုံစမ်းရေး ဇာတ်လမ်းကောင်းတစ်ခု ဖြစ်ပါတယ်။ဒီစီးရီးဟာ Netflix မှာ စတင်ထွက်ရှိချိန်ကတည်းက နိုင်ငံတကာ ကြည့်ရှုမှုအများဆုံး ဇယားထိပ်ဆုံးကို ရောက်ရှိခဲ့သလို စကင်ဒီနေးဗီးယား ရာဇဝတ်မှုခင်း (Nordic Noir) တွေရဲ့အေးစက်စက် မွန်းကြပ်ဖွယ် အငွေ့အသက်ကို အကောင်းဆုံး ဖော်ကျူးပြသထားနိုင်လို့ ချီးကျူးမှုတွေ ရရှိခဲ့တာပါ။ အထူးသဖြင့် စုံထောက် သားအဖနှစ်ယောက်ကြားက ပြင်းထန်တဲ့အားပြိုင်သရုပ်ဆောင်ချက်တွေနဲ့ အမှောင်လောကရဲ့ လှည့်ကွက်တွေကို ၅ ပိုင်းတိုတိုနဲ့ ကျစ်ကျစ်လျစ်လျစ် ရိုက်ကူးတင်ဆက်ထားတာကြောင့် Crime Mystery ကြိုက်နှစ်သက်တဲ့ပရိသတ်တွေ လက်မလွှတ်တမ်း ကြည့်ရှုသင့်တဲ့ ဇာတ်လမ်းတွဲကောင်းတစ်ခုပဲ ဖြစ်ပါတယ်။

အပိုင်းများ

Season - 1