High Value Target: The Hunt for Saddam FHD

High Value Target: The Hunt for Saddam

Drama FHD 2026-09-13 6.1

ဒီဇာတ်လမ်းတွဲကတော့ Biography, Military Drama နဲ့ Political Thriller အမျိုးအစား အမေရိကန် မီနီစီးရီးသစ်ပဲ ဖြစ်ပါတယ်။ CIA စုံစမ်းရေးမှူးဟောင်း John Nixon ရဲ့ "Debriefing thePresident" ဆိုတဲ့ မှတ်တမ်းစာအုပ်ကို အခြေခံပြီး Daniel Stiepleman နဲ့ Jonathan Wakeham တို့က ဖန်တီးကာ Leslie Greif က TNT ရုပ်သံလိုင်းအတွက် ထုတ်လုပ်တင်ဆက်ထားတာပါ။အဓိက သရုပ်ဆောင်တွေအဖြစ် မင်းသား Joel Kinnaman က CIA အေးဂျင့် John Nixon အဖြစ်၊ Waleed Zuaiter က အီရတ်သမ္မတဟောင်း ဆဒ္ဒမ်ဟူစိန် (Saddam Hussein) အဖြစ်ပါဝင်သရုပ်ဆောင်ထားကြပြီး Lena Góra, Tom Berenger နဲ့ Christopher McDonald တို့လည်း အားဖြည့် ပါဝင်ထားကြပါတယ်။ဇာတ်လမ်းကတော့ ၂၀၀၃ ခုနှစ် ဒီဇင်ဘာလမှာ ဆဒ္ဒမ်ဟူစိန်ကို ဖမ်းဆီးရမိပြီးနောက်ပိုင်း CIA အေးဂျင့် John Nixon က ပထမဆုံး စစ်ဆေးမေးမြန်းတာကို အဓိကထားပြီး စတင်ပါတယ်။အီရတ်ကို အမေရိကန်က ကျူးကျော်ဝင်ရောက်ပြီးနောက်ပိုင်း Nixon ဟာ ဆဒ္ဒမ်ဟူစိန်ဆီကနေ လူအစုလိုက် သေကျေပျက်စီးစေနိုင်တဲ့ လက်နက်တွေ (WMDs) ရဲ့ တည်နေရာကို သိရဖို့ကြိုးစားရာကနေ ဇာတ်လမ်းက စိတ်ဝင်စားစရာ ဖြစ်လာပါတယ်။ စစ်ဆေးမေးမြန်းခန်းတွေအတွင်းမှာ သူတို့နှစ်ယောက်ကြားက စိတ်ပိုင်းဆိုင်ရာ အားပြိုင်တာတွေ၊ လှည့်စားတာတွေကိုသည်းထိတ်ရင်ဖို ကြည့်ရှုရမှာပါ။ Nixon တစ်ယောက် ဆဒ္ဒမ်ဟူစိန်ကို စစ်ဆေးရင်းနဲ့ အီရတ်ကို ကျူးကျော်ဝင်ရောက်ခဲ့တဲ့ အမေရိကန်ရဲ့ လုပ်ရပ်အပေါ် သံသယဝင်လာတာတွေရော၊နောက်ကွယ်က နိုင်ငံရေး ရှုပ်ထွေးတာတွေနဲ့ ကြီးမားတဲ့ အကျိုးဆက်တွေကိုရော ဘယ်လို ရင်ဆိုင်ရမလဲဆိုတာကို ပုံဖော်ပေးထားပါတယ်။ဒီစီးရီးဟာ ရိုးရိုးရှင်းရှင်း လိုက်လံဖမ်းဆီးတဲ့ အက်ရှင်ဇာတ်ကားမျိုး မဟုတ်ဘဲ နိုင်ငံရေးနဲ့ စိတ်ပညာကို အခြေခံထားတဲ့ ဇာတ်လမ်းတွဲဖြစ်ပါတယ်။ မှတ်တမ်းရုပ်ရှင်ဟောင်း ဗီဒီယိုဖိုင်အစစ်တွေကို ဇာတ်လမ်းနဲ့ သေသေချာချာ ပေါင်းစပ်အသုံးပြုထားလို့ သမိုင်းဝင် အဖြစ်အပျက်ကို ပိုပြီး အသက်ဝင်စေပါတယ်။ အထူးသဖြင့် ဆဒ္ဒမ်ဟူစိန် နေရာကနေ သရုပ်ဆောင်ထားတဲ့Waleed Zuaiter ရဲ့ သရုပ်ဆောင်ချက်တွေဟာ ပရိသတ်ကို အထူး ဆွဲဆောင်နိုင်တယ်လို့ ဝေဖန်ရေးဆရာတွေက ချီးကျူးထားကြပါတယ်။ အပိုင်း ၈ ပိုင်းပါဝင်မယ့် ဒီ မီနီစီးရီးဟာသမိုင်းနောက်ခံ နိုင်ငံရေး သည်းထိတ်ရင်ဖို ဇာတ်လမ်းတွေကို စိတ်ဝင်စားတဲ့ ပရိသတ်တွေ အကြိုက်တွေ့စေမယ့် စီးရီးကောင်းတစ်ခုပဲ ဖြစ်ပါတယ်။