ဒီကားလေးကတော့ စိတ်ကူးယဉ်ဆန်ဆန် အချစ်ဇာတ်လမ်းလေးတစ်ပုဒ်ပါ။ ဇာတ်လမ်းထဲမှာ နှလုံးရောဂါကြောင့် စက်နှလုံး (artificial heart) တပ်ထားရတဲ့ လုပ်ငန်းစုကြီးတစ်ခုရဲ့ အမွေဆက်ခံသူ လူငယ်လေးတစ်ယောက်နဲ့၊ တစ်ကိုယ်လုံးမှာ တကယ်ပဲ လျှပ်စစ်စွမ်းအင်တွေ စီးဆင်းနေတဲ့ ထူးဆန်းတဲ့ မိန်းမပျိုလေးတစ်ယောက်တို့ရဲ့ အကြောင်းကို ရိုက်ပြထားတာ ဖြစ်ပါတယ်။သူတို့နှစ်ယောက် မထင်မှတ်ဘဲ ဆုံတွေ့မိရာကနေ အပေးအယူ ကိစ္စတစ်ခုကို သဘောတူလိုက်ကြရာကနေ ဇာတ်လမ်းက စတာပါ။ အဲ့ဒီအပေးအယူကနေတစ်ဆင့် ရပ်တန့်လုနီးပါး ဖြစ်နေတဲ့ သူ့ရဲ့ စက်နှလုံးကို တစ်ဖန်ပြန်ပြီး တုန်ခါခုန်လှုပ်စေရုံသာမက၊ သူတို့နှစ်ယောက်ကြားမှာလည်း မထင်မှတ်ထားတဲ့ အချစ်စိတ်တွေ ဘယ်လို နိုးကြားလာမလဲဆိုတာကို ရင်ခုန်ကြည်နူးစရာ ကြည့်ရမယ့် ဇာတ်ကားလေး ဖြစ်ပါတယ်။