ဒီကားလေးမှာက နာမည်ကြီး ကိုရီးယား နေရာထိုင်ခင်းဒီဇိုင်နာ (spatial designer) လီယူဘင် (Lee Yubin) တစ်ယောက် သူ့ဘဝမှာ အရာအားလုံး ဆုံးရှုံးသွားပြီးတဲ့နောက် ဂျပန်က ကျွန်းလေးတစ်ကျွန်းဆီကို ထွက်လာခဲ့ရာကနေ ဇာတ်လမ်းစထားတာပါ။အဲ့ဒီကျွန်းရောက်တော့မှ သူက စိတ်ဓာတ်ကြံ့ခိုင်တဲ့ စတော်ဘယ်ရီခြံပိုင်ရှင် ကောင်မလေး ကာရင် (Karin) နဲ့ သွားဆုံပါတော့တယ်။ လုံးဝကို မတူညီတဲ့ အသိုင်းအဝိုင်း နှစ်ခုကနေ လာကြတဲ့ သူတို့နှစ်ယောက်ဟာ ကြီးမားတဲ့ နားလည်မှုလွဲမှားစရာ ပြဿနာတစ်ခုနဲ့အတူ အမှတ်မထင် ပတ်သက်မိသွားကြပါလေရော။ဒီတော့ ချိုချဉ်ရသလေးတွေ ပေးစွမ်းမယ့် "Merry Berry Love" ဆိုတဲ့ ကိုရီးယား-ဂျပန် ရိုမန်တစ်ကော်မဒီ (rom-com) ဇာတ်ကားလေးထဲမှာ သူတို့နှစ်ယောက် ဘယ်လိုတွေ အလွဲလွဲအချော်ချော်နဲ့ ချစ်ကြိုက်သွားကြမလဲ ဆိုတာကို ပေါ့ပေါ့ပါးပါးလေး ရင်ခုန်စရာ ကြည့်ရှုရမယ့် ဇာတ်ကားလေး ဖြစ်ပါတယ်။