ဒီကားလေးမှာက အချစ်နဲ့ အိမ်ထောင်ရေးအပေါ်မှာ ရှေးရိုးဆန်ဆန် ခံယူချက်ရှိတဲ့ မားကတ်တင်း (Marketing) သမားတစ်ယောက်နဲ့၊ လူကြီးကစားစရာ (Adult toy) တွေ ထုတ်လုပ်တဲ့ ကုမ္ပဏီက CEO တစ်ယောက်တို့ကြားက ဇာတ်လမ်းလေးကို ရိုက်ပြထားတာပါ။သူတို့နှစ်ယောက်က ဘဝနေထိုင်မှုပုံစံရော၊ ခံယူချက် တန်ဖိုးထားမှုတွေပါ လုံးဝကို တခြားစီဖြစ်နေကြပေမယ့်၊ မထင်မှတ်ဘဲ ဆုံတွေ့သွားကြတဲ့အခါ... တစ်ယောက်နဲ့တစ်ယောက်ကြားက ကွာဟချက်တွေကို ဘယ်လို ညှိနှိုင်းကြိုးစားရင်း ဆက်ဆံရေးတစ်ခုကို တည်ဆောက်သွားကြမလဲဆိုတာကို ရိုက်ပြထားတာပါ။ အမြင်မတူတဲ့ လူနှစ်ယောက်ကြားက အလွဲလွဲအချော်ချော် အဖြစ်အပျက်လေးတွေကို ရယ်စရာရော၊ ရိုမန်တစ်ဆန်ဆန်ပါ ပေါ့ပေါ့ပါးပါးလေး ကြည့်ရှုခံစားရမယ့် ရို-ကွန် (Rom-Com) ဇာတ်ကားကောင်းလေး တစ်ကားဖြစ်ပါတယ်။